ހުއިފިލަނޑާ ނަގަން މޫދަށް އެރިއުޅުނު ޒުވާނާ ގެއްލިގެން ހޯދަމުން ދަނިކޮށް ފެނިއްޖެ އެވެ.
ފުލުހުންނާއި ހަވާލާދީ "އަވަސް" އިން ރިޕޯޓްކުރާ ގޮތުގައި ހޯދަމުންދިޔަ އަބްދުﷲ އާދަމް ފެނިފައިވަނީ ރ. އަތޮޅު ފަޅުރަށެއް ކަމަށްވާ ދިއްކުރެންދޫގައި ހުއްޓާ މިއަދު މެންދުރު 12:06 ހާއިރު ކަމަށާއި، މިހާރު އޭނާ ދުވާފަރަށް ގެނައުމުގެ މަސައްކަތް ކުރަމުންދާ ކަމަށެވެ.
އަދި އޭނާ ފެނުނު އިރު އެއްވެސް އަނިޔާއެއް ވެފައި ނެތް ކަމަށާއި އޭނާގެ ހާލު ރަނގަޅު ކަމަށް ވެސް ފުލުހުން ބުނެއެވެ.
އުމުރުން 32 އަހަރުގެ އާދަމް، ހުއިފިލަނޑާގެ މަސްވެރިކަމަށް ނިކުތީ "އަންބަރާ" ކިޔާ ދޯންޏެއްގައި މިއަދު ހެނދުނު 8:45 އެހާކަށްހާއިރު އެވެ. އަދި އޭނާ ގެއްލިގެން އުޅޭކަން އެމްއެންޑީއެފްގެ ކޯސްޓު ގާޑަށް ރިޕޯޓްކޮށްފައި ވަނީ މިއަދު ހެނދުނު 10:30 ހާއިރު އެވެ.