ނ. މަނަދޫ ދެކުނު ފަރާތަށް ހުއިފިލަނޑާ ނަގަން މޫދަށް ފޭބި ފަހުން ގެއްލިގެން ހޯދަމުން އައި މީހާ ފެނިއްޖެ އެވެ.
އެމްއެންޑީއެފް އިން މަޢުލޫމާތު ދޭ ގޮތުގައި ހޯދަމުންދިޔަ އަބްދުﷲ ޝާމިން ފެނިފައިވަނީ ޑިންގީ އަކަށް ކަމަށާއި، އޭނާ ފެނިފައި ވަނީ މިއަދު މެންދުރުފަހު 13:45 ހާއިރު ކަމަށެވެ. އޭނާ ފެނުނުއިރު ހާލު ރަނގަޅު ކަމަށްވެސް އެމްއެންޑީއެފް އިން ބުނެއެވެ.
މިއަދު ހެނދުނު ހުއިފިލަނޑާ ނެގުމަށް ރ. ރަސްމާދޫ މޫދަށް އެރި އުޅުނު ޒުވާނަކު ވެސް ގެއްލިގެން ހޯދަމުން ދަނިކޮށް ވަނީ ފެނިފައެވެ. އޭނާ ފެނިފައި ވަނީ ރ. އަތޮޅު ފަޅުރަށެއް ކަމަށްވާ ދިއްކުރެންދޫގައި ހުއްޓާ އެވެ.