އިއްޔެ ބޭއްވުނު ރައްޔިތުންގެ މަޖިލީހުގެ އެމްޑީޕީ ޕްރައިމަރީގައި ޕާޓީގެ ރައީސް އަދި ކުރީގެ ރައީސް މުހައްމަދު ނަޝީދު މައްޗަނގޮޅި މެދު ދާއިރާއިން ހޯއްދެވި ކާމިޔާބީއަށް ކޯލިޝަންގައި ހިމެނިވަޑައިގަންނަވާ އެމްއާރްއެމްގެ ލީޑަރ ކުރީގެ ރައީސް މައުމޫން އަބްދުލްޤައްޔޫމް މަރުހަބާ ދަންނަވައިފިއެވެ.
މައުމޫން ކުރެއްވި ޓުވީޓެއްގައި ނަޝީދަށް މަރުހަބާ ދަންނަވާފައިވާއިރު އެމަނިކުފާނުގެ ދެ ދަރިކަނބަލުން މިނިސްޓަރ އޮފް ހެރިޓޭޖް ޔުމްނާ މައުމޫނާއި ދުންޔާ މައުމޫން ވެސް ވަނީ ނަޝީދު ހޯއްދެވި ކާމިޔާބީއަށް މަރުހަބާ ދަންނަވާފައެވެ.
މައްޗަނގޮޅި މެދު ދާއިރާ ނަޝީދު ކާމިޔާބު ކުރެއްވީ 267 ވޯޓު ލިބިވަޑައިގެންނެވެ. އެމަނިކުފާނާ ވާދަކުރެއްވި އާއިޝަތު އަލައިކާއަށް ލިބިފައިވަނީ 56 ވޯޓެވެ. އަލައިކާ ވެސް ވަނީ ނަޝީދު ހޯއްދެވި ކާމިޔާބީއަށް މަރުހަބާ ދަންނަވާފައެވެ.