ކުންފުނިތަކުގެ މުވައްޒަފުންނަށް އަމާޒުކޮށްގެން ހުޅުމާލޭގައި، ހުޅުމާލެ ޕޮލިސް ސްޓޭޝަނާއި ޕޮލިސް އެކަޑަމީ ގުޅިގެން ކުރިއަށް ގެންދިޔަ ސެލްފް ޑިފެންސް ޕްރޮގްރާމް ނިންމާލައިފިއެވެ. ބައިވެރިންނަށް ސެޓްފިކެޓްދީފިއެވެ.
މި ޕްރޮގްރާމް ކުރިޔަށް ގެންގޮސްފައިވަނީ ޖަނަވަރީ 14ން 17ށެވެ. މި ޕްރޮގްރާމް ނިންމުމުގެ ރަސްމިއްޔާތު އިއްޔެ ހުޅުމާލޭގައި ބާއްވާ ބައިވެރިންނަށް ވަނީ ސެޓްފިކެޓް ދީފައެެވެ.
މި ޕްރޮގްރާމަކީ ހުޅުމާލޭގައި މަސައްކަތްކުރާ ސެކިއުރިޓީ އޮފިސަރުންނާ ފުލުހުންނާ އޮންނަގުޅުން ހަރުދަނާ ކުރުމާއި ކުށްތަކުން ސަލާމަތްވުމަށާއި އަމިއްލަ ސަލާމަތާއި ރައްކާތެރިކަމަށް ކުރެވިދާނެ ކަންކަމާއި ގުޅޭގޮތުން މުވައްޒަފުން ހޭލުންތެރިކުރުވުމުގެ ގޮތުން ކުރިއަށް ގެންދިޔަ ޕްރޮގްރާމެކެވެ.
ނިންމުމުގެ ރަސްމިއްޔާތު ޝަރަފުވެރި ކޮށްދެއްވީ އެސިސްޓެންޓް ކަމިޝަނަރ އޮފް ޕޮލިސް އަޙްމަދު ޢަބްދުއްރަހުމާނާއި، ޗީފް ސްޕްރިންޓެންޑެންޓް އޮފް ޕޮލިސް މޫސާ ޢަލީ އާއި ޗީފް ސްޕްރިންޓެންޑެންޓް އޮފް ޕޮލިސް ޢަބްދުﷲ ޝަރީފެވެ.
މިޕްރޮގްރާމްގައި 52 ފަރާތަކުން ބައިވެރިވިއެވެ. އޭގެ ތެރޭގައި ޓްރީޓޮޕް ހޮސްޕިޓަލާއި ހައުސިންގ ޑިވެލޮޕްމަންޓް ކޯޕަރޭޝަނާއި އައިލެންޑް އޭވިއޭޝަނާއި އެންސިސް ގްރޫޕްގެ އިތުރުން ސްޓެލްކޯގެ ސެކިއުރިޓީ އޮފިސަރުން ހިމެނެއެވެ. މި ޕްރޮގްރާމްގެ ސެޝަންތައް ނަންގަވައިދެއްވީ ޕޮލިސް އެކަޑަމީގެ ޓްރެއިނަރުންނެވެ.
މިޕްރޮގްރާމް ކުރިއަށް ގެންދިއުމުގައި، ކުންފުނިތަކުގެ ވަރަށްބޮޑު އެއްބާރުލުމެއް ލިބިފައިވާކަން ފުލުހުން ފާހަގަ ކުރެއެވެ.