ގއ. އަތޮޅުގައި ހަދަމުންދާ ރިސޯޓެއްގައި ހާޓް އެޓޭއް ޖެހިގެން މަރުވި ބިދޭސީއެއްގެ މައްސަލަ ފުލުހުން ތަހުގީގު ކުރަން ފަށައިފި އެވެ.
އެ އަތޮޅުގައި ހަދަަމުންދާ ރިސޯޓެއްގައި މަސައްކަތް ކުރަމުންދިޔަ އިންޑިއާގެ 39 އަހަރުގެ ފިރިހެންމީހާ މަރުވެފައިވަނީ މިއަދު 9:30ގައި ކަމަށް މައުލޫމާތު ލިބެއެވެ.
އޭނާ މަރުވެފައިވަނީ ހާޓްއެޓޭކެއް ޖެހިގެން ކަމަށާއި އޭނާ ހޮސްޕިޓަލަށް ގެނައި އިރުވެސް މަރުވެފައިވާ ކަމަށް ގއ. އަތޮޅު ހޮސްޕިޓަލާ ހަވާލާދީ ފުލުހުން ބުނެފައިވާ ކަމަށް އޮންލައިން ނޫސް "އަވަސް" އިން ރިޕޯޓް ކޮށްފައިވެއެވެ.
މި އަހަރު ފެށުނު ފަހުން މިވީ ކުޑަ ދުވަސްކޮޅު ތެރޭގައި އެކިއެކި ކުއްލި މަރުތައް ވަނީ ގިނަ އަދަދަކަށް ފާހަގަ ކުރެވިފައެވެ. ބިދޭސީންގެ މަރުތައް ވެސް ދަނީ އިތުރުވަމުންނެވެ. އެގޮތުން އެންމެ ފަހުން އިއްޔެ ވެސް ހުޅުމާލޭގައި ބިދޭސީއަކު މަރުވެފައި އޮއްވާ ވަނީ ފެނިފައެވެ.