އެސްޓީއޯގެ ޗެއާމަންގެ މަގާމު ފުރުއްވަމުން ގެންދެވި ހުސެެއިން ސާލިމް މުހައްމަދު އެ މަގާމުން އިސްތިއުފާ ދެއްވައިފި އެވެ.
މީގެ ކުރިން އެމްޓީސީސީގެ ޗެއާމަންގެ މަގާމުގައި ހުންނެވި ސާލިމް އެސްޓީއޯގެ ޗެއާމަންކަމުގެ މަގާމަށް ހަމަޖައްސާފައިވަނީ 2016 ވަނަ އަހަރުގެ ޑިސެމްބަރު މަހުގެ ތެރޭގައި އެވެ.
ސާލިމް އޭނާގެ މަގާމުން އިސްތިއުފާ ދެއްވާފައިވަނީ އަންނަ މަޖިލިސް އިންތިހާބުގައި ނ. ހޮޅުދޫ ދާއިރާއަށް ވާދަކުރަން ނިންމާފައިވާތީ ކަމަށް މައުލޫމާތު ލިބެއެވެ. އެހެން ކަމުން އޭނާ އެމަގާމް ދޫކޮށްލެއްވީ މަގާމުގައި ހުރެގެން މަޖިލިސް އިންތިހާބަށް ކެމްޕޭން ކުރުމަކީ އެންމެ ރަނގަޅު ގޮތް ކަމަށް ނުދެކޭތީއެވެ. އަދި އެ މަގާމުގައި ހުންނަވައިގެން ކުރަންޖެހޭ މަސައްކަތްތައް އެކަށީގެންވާ ގޮތެއްގައި ނުކުރެވޭނެ ކަމަށް ފެންނާތީވެ ކަމަށް އޭނާ ވިދާޅުވެފައިވާ ކަމަށް ރިޕޯޓްތައް ބުނެއެވެ.
ސާލިމްއަކީ ސަން ކޮންސްޓްރަކްޝަން އެންޑް އެންޖިނިއަރިން ކުންފުނީގެ މެނޭޖިން ޑިރެކްޓަރުކަމުގެ މަގާމުވެސް ފުރުއްވަމުން ގެންދަވާ އަދި އެމްޑީއޭގެ ކައުންސިލްގެ މެންބަރެއް ވެސް މެއެވެ.