އަކްޝޭ ކުމާރުގެ ބިރުވެރި ފިލްމް" ބޫލް ބުލައްޔާ" އަށްފަހު ބިރުވެރި ފިލްމަކުން އޭނާ ނުފެންނަތާ ގިނަ ދުވަސްތަކަކަށް ފަހު އަނެއްކާވެސް 12 އަހަރު ފަހުން ބިރުވެރި ފިލްމަކަށް އޭނާ ތައްޔާރުވާން ފަށައިފިއެވެ.
މިފަހަރު އަކްޝޭ ކުޅުމަށް ހަމަޖެހިފައިވާ ފިލްމަކީ ތަމަޅަ ފިލްމު" މުންނީ" އާއި " ކަންޗަނާ" އަސްލަކަށް ބަލައިގެން ހަދާ ފިލްމެއް ކަމަށް ރިޕޯޓްތައް ބުނެއެވެ. މި ފިލްމު ޑައިރެކްޓް ކުރުމަށް ހަމަޖެހިފައިވަނީ ރާގަވާ ލޯރެންސްއެވެ.
މި ފިލްމު އުފައްދަން ގަސްތުކުރާ ފަރާތްތަކުން ދަނީ 2020 ވަނަ އަހަރުގެ ކުރީކޮޅު ފިލްމު ރިލީޒް ކުރެވޭތޯ މަސައްކަތް ކުރާނެ ކަމަށް ބުނަމުންނެވެ.
މި ފިލްމުގައި އަކްޝޭ ފެނިގެންދާނީ ހަންޑި ދެކެ ބިރުގަންނަ އެހެންވެގެން ރޭގަނޑުވުމުން އެއްގޮތަކަށް ވެސް ގެއިން ނުނިކުމެ ގޭގައި އޮންނަ މީހެއްގެ ރޯލުން ކަމަށް މައުލޫމާތު ލިބެއެވެ. އޭނާގެ އެ ދިރިއުޅުން މީހަކާއި ދިމާވެގެން ބަދަލުވެގެންދާގޮތް މި ފިލްމުން ފެނިގެންދާނެ ކަމަށް ފިލްމު އުފައްދާ ފަރާތުން ބުނެއެވެ.
މިހާރު އަކްޝޭ ދަނީ އޭނާ ކަރީނާ ކަޕޫރު ޚާން އާއެކު ފެނިގެންދާ ފިލްމު " ގުޑް ނިއުސް " ގެ ފަހު މަސައްކަތުގައި ހަރަކާތްތެރިވަމުންނެވެ.