ޒީޓީވީއިން ދައްކަމުން އަންނަ ސިންގިންގ ރިއަލިޓީ ޝޯވ "ސާރޭގާމާޕާ" ގެ ގްރޭންޑް ފިނާލޭ ދީރަޖް ދޫޕަރު ހުށަހަޅައިދޭ ގޮތަށް ހަމަޖެހިއްޖެއެވެ.
އެ ހަފްލާ ހުށަހެޅުމުގައި އޭނާއާއެކު ޝޯވ ހުށަހެޅުމުގައި ހަރަކާތްތެރިވާ އަދިތްޔާ ނާރަޔަން ހުންނާނެއެވެ. ދީރަޖް އަކީ ޒީޓީވީއިން ދައްކަމުންދާ ޑްރާމާ ސިލްސިލާ "ކުންޑަލީ ބާގްޔާ" ގެ ލީޑްރޯލުގައި ހަރަކާތްތެރިވާ ތަރިއެކެވެ.
މި ފުރުސަތު ލިބުމުން ދީރަޖް ބުނެފައިވަނީ " ހުށަހެޅުމަކީ އަހަރެން އަބަދުވެސް ވަރަށް ކުރާ ހިތްވާ މަސައްކަތެއް. މި ފުރުސަތު އަހަންނަށް ލިބުމުން ވަރަށް އުފާވޭ" މިހެންނެވެ.
މިހާރު އެ ޝޯވގެ އެންމެ ފަހު އެޕިސޯޑްތައް ވަނީ ދައްކަން ފަށާފައެވެ. ގްރޭންޑް ފިނާލޭ އޮންނާނެ ތާރީޚެއް ރަސްމީކޮށް އަދި އިއުލާން ކޮށްފައެއް ނުވެއެވެ.