ރ. މާކުރަތު ސަރުކާރު އިދާރާތަކުގެ ތިޖޫރީތައް ފަޅާލައި ވައްކަން ކުރި މައްސަލާގައި ފުލުހުން 4 މީހަކު ކޯޓު އަމުރެއްގެ ދަށުން ހައްޔަރުކޮށްފިއެވެ.
މިމައްސަލާގައި ފުލުހުން ހައްޔަރުކުރީ 21 އަހަރު ދެ މީހަކާއި 62 އަހަރުގެ މީހެއްގެ އިތުރުން 19 އަހަރުގެ ޒުވާނެކެވެ.
ވައްކަން ކޮށްފައިވަނީ މާކުރަތު ކައުންސިލްގެ އިތުރުން ސިއްހީ މަރުކަޒުންނެވެ. ކައުންސިލް އިދާރާއިން 83،000 ރުފިޔާގެ ފައިސާ ވަގަށް ނަގާފައިވާއިރު ސިއްހީ މަރުކަޒުގެ ތިޖޫރީން ވެސް 15،000 ރުފިޔާ ވަނީ ވަގަށް ނަގާފައި ކަމަށް ކައުންސިލުން ބުނެފައިވެއެވެ.
އަދި އެރަށު މެޖިސްޓްރޭޓު ކޯޓަށް ވެސް ވަގުން ވަދެފައިވާ ކަމުގެ އަލާމާތްތައް ކޯޓު ތެރެއިން ފެންނަން ހުއްޓަސް، އެތަނުން ފައިސާއެއް ނުގެއްލެއެވެ.