ދިވެހި ފަންނުވެރިންގެ ދަފްތަރުގައި ރަޖިސްޓްރީވުމުގެ ފުރުސަތު ނޭޝަނަލް ސެންޓަރ ފޮރ ދި އާޓްސް (އެން.ސީ.އޭ) އިން ހުޅުވާލައިފި އެވެ.
އަލަށް އުފެއްދި މިނިސްޓްރީ އޮފް އާޓްސް، ކަލްޗަރ އެންޑް ހެރިޓޭޖްގެ ދަށުން ހިންގަމުން އަންނަ އެން.ސީ.އޭ އިން ކުރި އިއުލާނެއްގައި ބުނެފައި ވަނީ ފަންނުވެރިކަމުގެ ދާއިރާ ހަރުދަނާކޮށް ތަރައްޤީކުރުމަށްޓަކައި ފަންނުވެރިންނަށް ބޭނުންވާ ކަންކަން ފަހިކޮށްދިނުމުގެ މަޤްޞަދުގައި ފަންނުވެރިންގެ ދަފްތަރެއް އެކުލަވާލުމުގެ މަސައްކަތް ކުރަމުންދާ ކަމަށާއި، އެ ދަފްތަރުގައި ރަޖިސްޓްރީވުމަށް ބޭނުންވާ ފަރާތްތަކަށް އެ ފުރުސަތު މިހާރު ހުޅުވާލެވިފައިވާ ކަމަށެވެ.
އެގޮތުން މި ދަފްތަރުގައި ރަޖިސްޓްރީވުމަށް ބޭނުންވާ ފަންނާނުން ރަޖިސްޓްރޭޝަން ފޯމު ފުރިހަމަކުރުމަށްފަހު އެން.ސީ.އޭ އަށް ހުށަހެޅުމަށް އެ ސެންޓަރުން އެދެއެވެ. އަދި ފޯމުގެ ސޮފްޓްކޮޕީ އެން.ސީ.އޭ ގެ ވެބްސައިޓް: www.nca.gov.mv އިން ޑައުންލޯޑް ކުރެވޭނެ ކަމަށްވެސް އިއުލާނުގައި ބުނެފައި ވެއެވެ.