ކާމިޔާބު "ދަމާލް" ފްރެންޗައިޒްގެ އެންމެ ފަހުގެ ފިލްމް، "ޓޯޓަލް ދަމާލް"ގެ ފުރަތަމަ ލަވަ ނެރެފި އެވެ.
"ޕޭސާ ޕޭސާ" ނަމަކަށް ކިޔާ މި ލަވައިން އެ ފިލްމްގެ މުޅި ކާސްޓް އެއްކޮށް ފެނިގެންދެއެވެ. ގޯރޮވް-ރޯޝިން ރީކްރިއޭޓްކޮށް، ދޭވް ނޭގީ އާއި ސުބްރޯ ގަންގުލީ އަދި އަރްޕިތާ ޗަކްރަބޮތީގެ އަޑުން ކިޔައިދީފައިވާ މި ލަވަ ލިޔުނީ ކުންވަރް ޖުނޭޖާ އެވެ.
"ދަމާލް" ފިލްމް ސީރީސްގެ ތިންވަނަ ފިލްމުން ގާތްގަނޑަކަށް 26 އަހަރަށްފަހު ފުރަތަމަ ފަހަރަށް މާދުރީ ދިކްޝިތު-ނޭނޭ އާއި އަނިލް ކަޕޫރް އެކުގައި ފެނިގެންދާނެ އެވެ.
މާދުރީ އާއި އަނިލްގެ އިތުރުން މި ފިލްމްގެ ލީޑް ރޯލްތަކުން އަޖޭ ދޭވްގަން، ރިތޭޝް ދޭޝްމުކް، އަރްޝަދު ވާރްސީ އަދި ޖާވިދު ޖާފްރީ ވެސް ފެނިގެންދާނެ އެވެ.
"ޓޯޓަލް ދަމާލް" ރިލީޒްކުރުމަށް ހަމަޖެހިފައި ވަނީ އަންނަ ފެބްރުއަރީ މަހުގެ 22 ވަނަ ދުވަހު އެވެ.