މަޝްހޫރު ބޮލީވުޑްގެ ތަރި ދަރްމެންދްރާގެ ދަރިފުޅު ބޮބީ ޑިއޯލް އޭނާގެ 50 ވަނަ އުފަންދުވަސް ފާހަގަކޮށްފިއެވެ.
ބޮބީގެ އުފަންދުވަސް އޭނާ ފާހަގަކޮށްފައިވަނީ ބައެއް އެކުވެރިންނާއި އަދި އާއިލާގެ މެމްބަރުންނާއެކު މުމްބާއީގައެވެ. އޭނާގެ އުފަންދުވަހަކީ 27 ޖެނުއަރީ 1969އެވެ. އުފަންދުވަސް ފާހަގަ ކުރުމަށް ބޮބީީ ބޭއްވި ޕާޓީގައި އަޖޭ ދޭވްގަން، އަރްބާޒް ޚާން، ފަދަ އެތައް ތަރިންނެއް ބައިވެރިވިއެވެ.
އެ ހަފްލާގައި ނަގާފައިވާ ފޮޓޯތައް ވަރަށް ގިނަތަރިންވަނީ އެމީހުންގެ މީސް މީޑިއާ އެކައުންޓްތަކުގައި ޝެއަރ ކޮށްފައެވެ. ބޮބީގެ އުފަންދުވަހުގެ ތަހުނިޔާ ބޮލީވުޑްގެ ވަރަށް ގިނަ ފަރާތްތަކުން ވަނީ އޭނާއަށް ކިޔާފައެވެ.
ސަނީ ޑިއޯލްވަނީ އޭނާއާއެކު ބޮބީއާއި އޭނާގެ ދަރިފުޅު ހުރި ފޮޓޯއެއް ޝެއަރކޮށް "މައި ބޮބްސް ބާތްޑޭ" މިފަދައިން ލިޔެފައެވެ. ދަރްމެންދްރަވެސް ވަނީ އޭނާގެ ދަރިފުޅުގެ އުފަންދުވަހުގެ ތަހުނިޔާ ކިޔާ ފޯސްޓް ކޮށްފައެވެ.