އެކްޝަން އަދި ގިނަ ކޮމެޑީ ފިލްމްތަކެއް ގެނެސްދީފައިވާ ފަރާތެއް ކަމަށްވާ ރޯހިތު ޝެއްޓީއާއެކު ފިލްމެއްގެ މަސައްކަތެއް ކުރުމަށް މަޝްހޫރު ބޮލީވުޑް ސުޕަސްޓާރ ސަލްމާން ޚާން ތައްޔާރު ވަމުންދާ ކަމަށް ރިޕޯޓްތައް ބުނެފިއެވެ.
އިންޑިއާގެ އޮންލައިން ނޫހެއް ކަމަށްވާ "މިޑް-ޑޭ ޑޮޓްކޮމް" އިން ވަނީ މި ޚަބަރު ސަޕޯޓަރުންނާއި ހަމަޔަށް ގެނެސްދީފައެވެ.
މިގޮތަށް ހަމަޖެހިފައިވާ ކަމަށްވަންޏާ މިއީ ސަލްމާން ޚާން ރޯހިތު ޝެއްޓީ އާއެކު މަސައްކަތް ކުރާ ފުރަތަމަ ފަހަރަށް ވެގެންދާނެއެވެ. ފުލުސްމީހެއްގެ ރޯލުން ސަލްމާން ފެނިގެންދާނެ މި ފިލްމަކީ " ސްޓޭޓްސް މުމްބާއީ މިރާ" ކަމަށް އެ ރިޕޯޓްގައި ބުނެފައިވެއެވެ.
މި ފިލްމުގެ މަސައްކަތް ފެށުމަށް ހަމަޖެހިފައިވަނީ ސަލްމާން މަސައްކަތް ކުރަމުންދާ ފިލްމް" ދަބަންގް 3" އަދި "ބާރަތު" ގެ މަސައްކަތް ނިމުމުން މި އަހަރު ފަހުކޮޅުގައެވެ.
މި ފިލްމް ޕްރޮޑިއުސް ކުރަން ހަމަޖެހިފައިވަނީ ސާޖިދު ނަޑިއަޑްވާލާއެވެ. ފިލްމުގެ ސްކްރިޕްޓް އަދި ހަމަޖެހިފައެއް ނުވެއެވެ. އެހެން ނަމަވެސް ވަރަށް އަވަހަށް ސްކްރިޕް ނިމިގެންދާނެކަމަށް ވެއެވެ. ރޯހިތު މި ފިލްމާއި ބެހޭގޮތުން ބުނެފައިވަނީ ރޯހިތު ޝެއްޓީއާއި ސަލްމާން އެކުގައި މަސައްކަތްކުރާ ފުރަތަމަ ފިލްމް ސުޕަހިޓް އަކަށް ވެގެންދާނެކަމަށެވެ.