މާލޭ މާރުކޭޓު ސަރަހައްދު މޫދުން މަރުވެފައިވާ މީހެއްގެ ހަށިގަނޑު އާންމުންގެ ބަޔަކަށް ފެނިއްޖެއެވެ.
ފުލުހުން ބުނެފައިވަނީ މީހަކު ފަޅުތެރެއިން ފެނިގެން ފުލުހުންނަށް ރިޕޯޓުކޮށްފައިވަނީ މިއަދު ހެނދުނު 6:08 އެހާކަށްހާއިރު ކަމަށެވެ. ފެނިފައިވަނީ ފިރިހެނެއްގެ ހަށިގަނޑު ކަމަށާއި ލިޔެކިޔުންތަކުން އެނގޭ ގޮތުގައި އޭނައަކީ އިންޑިޔާގެ ރައްޔިތެއް ކަމަށް ފުލުހުން ބުނެފައިވެއެވެ.
އޭނާ ނެގިއިރުވެސް މަރުވެފައިވާ ކަމަށާއި އަނގައިން ފޮނުވެސް އަރާ ކަމަށް މަންޒަރު ދުށް ފަރާތަކުން "ސީއެންއެމް" ނޫހަށް ކިޔާދީފައިވެއެވެ.
އޭނާގެ ބޭރުފުށުން ބަލާއިރު އަނިޔާއެއް ވެފައިނުވާ ކަމަށް ފުލުހުން ބުނެފައިވެއެވެ. މިމައްސަލަ ފުލުހުން މިހާރު އަންނަނީ އިތުރަށް ތަހުގީގު ކުރަމުންނެވެ.