މަޝްހޫރު ބޮލީވުޑް ސުޕަސުޓާރ އަނިލް ކަޕޫރުގެ ދަރިފުޅު ސޯނަމް ކަޕޫރު "މުމްނާ ބާއީ" ގެ 3 ވަނަ ފިލްމް ކުޅުމަށް ޝައުގުވެރިވާ ކަމަށާއި އެހެންނަމަވެސް އެ ފިލްމު ކުޅެން އެއްބަސްވާނީ ޝަރުތަކާއެކު ކަމަށް ބުނެފިއެވެ.
ސޯނަމް ބުނެފައިވާ ގޮތުގައި އޭނާ އެ ފިލްމު ކުޅޭނީ އެ ފިލްމުގައި އޭނާއަށް ލީޑް ރޯލު ލިބުމުންނެވެ. އަދި އެ ފިލްމުގެ ނަމަކަށް "މުންނާ ބެހެން" ކިޔަންޏާ ކަމަށް ވެސް ސޯނަމް ވަނީ ބުނެފައެވެ.
ރިޕޯޓްތައް ބުނާގޮތުގައި ސޯނަމް އެންމެފަހުން ކުޅުނު ފިލްމް ކަމަށްވާ "އޭކް ލަޅްކީ ކޮ ދޭކާ ތޮ އޭސާ ލަގާ" ފިލްމުގެ ޕްރޮޑިއުސަރު ވިންދޫ ވިނޯދު ޗޯޕުޅާ ވަނީ ސޯނަމް އެ ފިލްމުގައި ކޮށްފައިވާ މަސައްކަތާމެދު ވަރަށް ބޮޑަށް ހިތްހަމަޖެހިފައެވެ. އެހެން ކަމުން އޭނަ ދެން އުފައްދަން ނިންމާފައިވާ " މުންނާ ބާއީ 3"ގައި ވެސް ސޯނަމް ހިމެނުމަށް އޭނާ ވަނީ ބޭނުންވެފައެވެ.
ސޯނަމްގެ ފިލްމު "އޭކް ލަޅްކީ ކޮ ދޭކާ ތޮ އޭސާ ލަގާ" ރިލީޒް ކުރުމަށް ހަމަޖެހިފައިވަނީ 1 ފެބްރުއަރީގައި ކަމަށް ރިޕޯޓްތައް ބުނެއެވެ. އެގޮތުން އެ ފިލްމުގެ ޕްރޮމޯޝަން މަސައްކަތުގައި މި ދުވަސްކޮޅު ސޯނަމްދަނީ ވަރަށް ބުރަކޮށް މަސައްކަތް ކޮށްފައެވެ.