އިންޑިއާގެ ދިއްލީއަށް ނިސްބަތްވާ ލަވަކިޔުންތެރިއެއް ކަމަށްވާ ޝިވާނީ ބާޓިއާ ޔަމުނާ އެކްސްޕްރެސްވޭގައި ހިނގި އެކްސިޑެންޓެއްގައި މަރުވެއްޖެއެވެ.
މި އެކްސިޑެންޓް ހިނގާފައިވަނީ ޝިވާނީ އަދި އޭނާގެ ފިރިމީހާ ނިކިލް ބާޓިއާ، އާގްރާގައި އޮތް ހަފްލާއަކަށް ދިޔުމަށްޓަކައި ދިޔަ މަގުމަތީގައި ކަމަށް ޚަބަރުތައް ބުނެއެވެ.
މި އެކްސިޑެންޓުގައި ޝިވާނީ މަރުވެފައިވާއިރު އޭނާއާއެކު ދަތުރުކުރަމުންދިޔަ އޭނާގެ ފިރިމީހާ ނިކިލްވަނީ ސީރިއަސް ހާލަތުގައެވެ.
ފުލުހުން މައުލޫމާތުދޭ ގޮތުގައި މި އެކްސިޑެންޓް ހިނގަން މެދުވެރިވެފައިވަނީ ބާރު ސްޕީޑުގައި ދުއްވާފައިދިޔަ ކާރެއް އޯވާޓޭކް ކުރުމަށް ނިކިލް މަސައްކަތް ކުރުމުން ކޮންޓްރޯލުން ނެއްޓިގެންގޮސް އެ ކާރުގައި ޖެހިގެންނެވެ.
ޝިވާނީއަކީ 2016 ވަނަ އަހަރުގެ ބޯޖްޕޫރީ ސިންގިންގ ކޮމްޕެޓިޝަންގެ ދެވަނަ ހޯދާފައިވާ ލަވަކިޔުންތެރިޔާއެވެ.