މަޝްހޫރު "ފާސްޓް އެންޑް ފިއުރިއަސް" ފިލްމް ފްރެންޗައިޒްގެ ސްޕިންއޮފް އެއް ކަމުގައިވާ ޔުނިވާސަލް ޕިކްޗާސްގެ "ހޮބްސް އެންޑް ޝޯ"ގެ ޓީޒާ ޓްރެއިލާ ދައްކާލައިފި އެވެ.
މި ފިލްމްގެ ފުރަތަމަ ފުލް ޓްރެއިލާ މާދަމާ ރިލީޒްކުރުމަށް ހަމަޖެހިފައިވާއިރު، އިއްޔެ ނެރުނު ޓީޒާ އިން ވަނީ ފިލްމްގެ އެއް ލީޑް ކަމުގައިވާ ހޮބްސްގެ ރޯލް އަދާކުރާ ޑްވޭން ޖޯންސަންގެ ލުކް ދައްކާލާފައެވެ.
މި ފިލްމްގެ ދެވަނަ ލީޑްގެ ރޯލުން ފެނިގެންދާނީ ޖޭސަން ސްޓޭތަމް އެވެ. އޭނާ އަދާކުރާނީ ޑެކާޑް ޝޯގެ ރޯލެވެ. މި ފިލްމް ޑައިރެކްޓްކޮށްފައި ވަނީ ޑޭވިޑް ލީޗް ކަމުގައިވާއިރު، ފިލްމްގެ ސްކްރިޕްޓް ލިޔެފައި ވަނީ ކްރިސް މޯގަން އެވެ.
މި ފިލްމްގައި ޑްވޭން އާއި ޖޭސަންގެ އިތުރުން ވެނެސާ ކާބީ އާއި އިދްރީސް އެލްބާ ވެސް ފެނިގެންދާނެ އެވެ.
"ހޮބްސް އެންޑް ޝޯ" ރިލީޒްކުރުމަށް ހަމަޖެހިފައި ވަނީ އަންނަ އޮގަސްޓް މަހުގެ ދެވަނަ ދުވަހު އެވެ.
“I’m what ya call a nice cold can of whup ass” ~ Luke Hobbs
Get ready for our worldwide @HobbsAndShaw trailer debut on FRIDAY. #JasonStatham @IdrisElba & the kid stir up trouble & fun in the biggest showdown the Fast & Furious franchise has ever seen. #HobbsAndShaw #Boots2Asses pic.twitter.com/ZBfhiacKRC— Dwayne Johnson (@TheRock) January 30, 2019