ފިލްމް އަދި ޓީވީ ޕްރޮޑިއުސަރ އޭކްތާ ކަޕޫރް އަށް ސަރޮގެސީ މެދުވެރިކޮށް ލިބުނު ފިރިހެން ދަރިފުޅުގެ ނަމަކަށް "ރަވީ ކަޕޫރް" ކިޔައިފި އެވެ.
އޭކްތާ ވަނީ މި ޚަބަރު އޭނާގެ ރަސްމީ އިންސްޓަގްރާމް އެކައުންޓް މެދުވެރިކޮށް ފޭނުންނާއި ޙިއްސާކޮށްފަ އެވެ. އަލަށް ލިބުނު ދަރިފުޅުގެ ނަމަކަށް "ރަވީ" ކިޔާފައި ވަނީ އޭކްތާގެ ބައްޕަ އަދި ވެޓްރަން އެކްޓަރ ޖީތެންދްރަ އަސްލު ނަމުންނެވެ. ބޮލީވުޑަށް ވަނުމުގެ ކުރިން ޖީތެންދްރަގެ ނަމަކީ ރަވީ ކަޕޫރް އެވެ.
މީގެ އަހަރުތަކެއް ކުރިން އޭކްތާގެ ކޮއްކި ތުޝާރް ކަޕޫރް ވެސް ވަނީ ސަރޮގެސީ މެދުވެރިކޮށް ދަރިއަކު ހޯދާފައެވެ. އެކުއްޖާގެ ނަމަކީ "ލަކްޝްޔަ" އެވެ.
އޭކްތާގެ ދަރިފުޅު އުފަންވެފައި ވަނީ 27 ޖެނުއަރީ ވީ އާދިއްތަ ދުވަހު ކަމަށް އިންޑިއާގެ ނޫސް ރިޕޯޓްތައް ބުނެއެވެ. އޭކްތާ މަންމައަކަށް ވިކަމުގެ ޚަބަރު އާންމުވުމާއެކު، ތަރިންނާއި ފޭނުން ވަނީ ޓްވިޓާ މެދުވެރިކޮށް އޭކްތާ އަށް ތަހުނިޔާ ފޮނުވާފައެވެ.