"ފާސްޓް އެންޑް ފިއުރިއަސް ޕްރެޒެންޓްސް: ހޮބްސް އެންޑް ޝޯ"ގެ ފުރަތަމަ ޕޯސްޓަރ ދައްކާލައިފި އެވެ.
އެ ފިލްމްގެ ފުރަތަމަ ފުލް ޓްރެއިލާ މިއަދު ރިލީޒްކުރުމަށް ހަމަޖެހިފައިވާއިރު، މީގެ ހަތަރު އަހަރު ކުރިން ވިން ޑީސެލް ވަނީ "ފާސްޓް އެންޑް ފިއުރިއަސް"ގެ ސްޕިންއޮފް ފިލްމްތަކެއް ހަދަމުންދާ ކަމަށް ބުނެފައެވެ.
"ހޮބްސް އެންޑް ޝޯ" އަކީ ފްރެންޗައިޒްގެ މުހިންމު ދެ ކެރެކްޓާއިން ކަމުގައިވާ ލޫކް ހޮބްސް އާއި ޑެކާޑް ޝޯގެ މައްޗަށް ބިނާކޮށް އުފައްދާފައިވާ ފިލްމެކެވެ. މި ރޯލްތަކުން ފެނިގެންދާނީ ޑްވޭން ޖޯންސަން އާއި ޖޭސަން ސްޓެތަމް އެވެ. މި ފިލްމްގެ ޕްލޮޓް އާއި ބެހޭ ތަފްސީލްތައް އަދި ހާމަކޮށްފައި ނުވާއިރު، ފިލްމްގައި ހޮބްސް އާއި ޝޯ އެކުގައި މަސައްކަތް ކުރާނީ ބައިނަލްއަޤްވާމީ ޓެރަރިސްޓް ލީޑަތެއް ކަމުގައިވާ ބްރިކްސްޓަން ހައްޔަރު ކުރުމަށެވެ. ބްރިކްސްޓަންގެ ރޯލް އަދާކުރާނީ އިދްރީސް އެލްބާ އެވެ.
މި ފިލްމްގެ ޕޯސްޓަރ ޑްވޭން ވަނީ އޭނާގެ ރަސްމީ ޓްވިޓާ އެކައުންޓް މެދުވެރިކޮށް ފޭނުންނާއި ޙިއްސާކޮށްފަ އެވެ.
"ހޮބްސް އެންޑް ޝޯ" ރިލީޒްކުރުމަށް ހަމަޖެހިފައި ވަނީ އަންނަ އޮގަސްޓް މަހުގެ ދެވަނަ ދުވަހު އެވެ.
Two world’s collide.
Exclusive peep at our new poster for @HobbsAndShaw.
Our WORLDWIDE TRAILER drops TOMORROW.
Get ready for the biggest showdown the FAST & FURIOUS franchise has ever seen. #HobbsAndShaw #Boots2Asses
🇺🇸 🇬🇧 🇷🇺 🇺🇦 🇼🇸 pic.twitter.com/qBUzqhfbjp— Dwayne Johnson (@TheRock) January 31, 2019