ސޯނަމް ކަޕޫރްގެ "އޭކް ލަޅްކީ ކޯ ދޭކާ ތޯ އޭސާ ލަގާ" އިއްޔެ ރިލީޒްކޮށްފައިވާއިރު، އެ ފިލްމަށް ވަނީ ރަނގަޅު ރިވިއުސް ލިބިފައެވެ.
އެހެންނަމަވެސް އަނިލް ކަޕޫރް އާއި ރާޖްކުމާރް ރާއޯގެ އެކްޓިންގ ވެސް ފެނިގެންދާ މި ފިލްމަށް ރިލީޒްކުރި ފުރަތަމަ ދުވަހު ލިބިފައި ވަނީ 1500 ސްކްރީން އިން 3.30 ކްރޯޑް ރުޕީސް އެވެ.
މި ފިލްމަކީ ސޯނަމް އޭނާގެ ބައްޕަ އަނިލް އާއެކު ކުޅެފައިވާ ފުރަތަމަ ފިލްމެވެ. ޝެލީ ޗޯޕްރާ ދަރް ޑައިރެކްޓްކޮށް، ވިދޫ ވިނޯދު ޗޯޕްރާ ޕްރޮޑިއުސްކޮށްފައިވާ މި ފިލްމްގެ މުހިންމު ރޯލަކުން ޖޫހީ ޗާވްލާ ވެސް ފެނިގެންދެއެވެ.
މި ފިލްމްގެ އިތުރު ރޯލްތަކުން އަބީޝޭކް ދުހާން އާއި ރެޖީނާ ކެސެންޑްރާ އަދި އަކްޝޭ އޮބެރޯއި ވެސް ފެނިގެންދެއެވެ.
މި ފިލްމްގެ ޓައިޓަލް ބިނާކޮށްފައި ވަނީ އަނިލްގެ ފިލްމް "1942: އަ ލަވް ސްޓޯރީ" ގެ ހިޓް ލަވަ "އޭކް ލަޅްކީ ކޯ ދޭކާ ތޯ އޭސާ ލަގާ" ގެ މައްޗަށެވެ.