އެކްޓްރެސް ސާންޔާ މަލްހޯތުރާ، އަނޫރާގް ބާސޫގެ ފިލްމެއްގެ ޝޫޓިންގ ފެށުމަށް ތައްޔާރުވެފައިވާ ކަމަށް އޭނާ ބުނެފިއެވެ.
ގިނަ ތަރިން ތަކެއް ހިމެނޭގޮތަށް ތައްޔާރުކުރާ މި ފިލްމަކީ ހެއްވާމަޖާ ފިލްމެއް ކަމަށް މައުލޫމާތު ލިބެއެވެ. މި ފިލްމް ރިލީޒް ކުރުމަށް ހަމަޖެހިފައިވަނީ ސެޕްޓެމްބަރު 6 ވަނަ ދުވަހު އެވެ.
އަދި ނަމެއް ދީފައިނުވާ މި ފިލްމުގެ ޕްރޮޑިއުސަރަކީ ބުޝަން ކުމާރުއެވެ. މި ފިލްމުގެ ތަރިންގެ ތެރޭގައި، އަބީޝެކް ބައްޗަން، ރާޖްކުމާރު ރާއޯ، ފާތިމާ ސަނާ ޝޭޚް، އަދިތުޔާ ރޯއީ ކަޕޫރު، ޕަންކަޖް ތްރިޕާތީފަދަ މީހުން ހިމެނެއެވެ.
ސާންޔާ ވަނީ އޭނާ ނަވާޒުއްދީން ސިއްދީގީއާއެކު ކުޅެފައިވާ ފިލްމް" ފޮޓޯގްރާފް" ގެ ރިލީޒިންގ އާއި ދޭތެރޭ ވެސް ވަރަށް ބޮޑަށް ހިތްހަމަޖެހިފައެވެ. އެ ފިލްމް ރިލީޒް ކޮށްފައިވަނީ ޔޫއެސްގައި ކުރިޔަށްދާ ސަންޑާންސް ފިލްމް ފެސްޓިވަލްގެ ތެރޭގައެވެ.