މެންޗެސްޓާ ސިޓީއިން އޮތީ ލިވަޕޫލަށް ތަށި ހޯދާދޭން ނޫން ކަމަށް އެ ޓީމުގެ ކޯޗު ޕެޕް ގާޑިއޯލާ ބުނެފިއެވެ.
ލިވަޕޫލާ އެންމެ ކައިރިން ވާދަކުރާނެ ޓީމަކަށް ގާޑިއޯލާގެ މެންޗެސްޓާ ސިޓީ ވެފައިވާއިރު ސިޓީ، ނިއުކާސަލް އަތުން ބަލިވުމުން ގާޑިއޯލާއަށް ވަނީ ފާޑުކިޔުންތައް އަމާޒުވެފައެވެ.
ނަމަވެސް މިރޭ، އާސެނަލާ ދެކޮޅަށް ކުޅޭ މެޗުގެ ކުރިން ދިން ޕްރެސްގައި ގާޑިއޯލާ ވަނީ އޭނާ ހުރީ ލިވަޕޫލަށް ހެވިލާފައި ބައިތިއްބަން ތައްޔާރަށް ނޫން ކަމަށާއި ސިޓީއިން ފަރަގު ކުޑަ ކުރުމަށް ކުރެވެން އޮތް ހުރިހާ ކަމެއް ކުރާނެ ކަމަށެވެ.
ނަމަވެސް ގާޑިއޯލާ ބުނީ އޭނާގެ ޓީމަކީ އެއްވެސް މެޗެއް ފަސޭހަކުރާނެ ޓީމެއް ނޫން ކަމަށެވެ. "މިދިޔަ ހަފްތާގައި ވެސް އޮތް ޗެލެންޖު މިއަދުވެސް މިއޮތީ. އެއީ މީގެ ތިން މަސް ކުރިންވެސް އޮތް ގޮތް. ކޮންމެ މެޗަކީ ޗެލެންޖެއް،" ގާޑިއޯލާ ބުނެފައިވެއެވެ.
މިރޭގެ މެޗުން އާސެނަލް ބަލިކުރެވިއްޖެނަމަ ގާޑިއޯލާގެ ސިޓީއަށް ލިވަޕޫލާ ދެ ޕޮއިންޓަށް ކައިރި ކޮށްލެވޭނެއެވެ. ލިވަޕޫލަށް ފަރަގު ބޮޑުކޮށްލަން ލިބުނު ފުރުސަތު، ލެސްޓާ އާ ކުޅެ އެއްވަރުވުމުން ވަނީ ބޭކާރުކޮށްލެވިފައެވެ.
އާސެނަލާ ސިޓީ ކުޅޭ މެޗު ކުޅޭނީ މިރޭ ރާއްޖެ ގަޑިން 9:30 ގައެވެ.