ރައީސުލް ޖުމުހޫރިއްޔާ އިބްރާހިމް މުހައްމަދު ސޯލިހް، އަވަށްޓެރި ސްރީލަންކާގެ 71 ވަނަ މިނިވަން ދުވަހުގެ ޚާއްސަ ހަފުލާ ޝަރަފުވެރިކޮށްދެއްވައިފިއެވެ.
ލަންކާގެ 71 ވަނަ މިނިވަން ދުވަހުގެ ރަސްމިއްޔާތުތަކުގައި ބައިވެރިވެވަޑައިގެންނެވުމަށް އެގައުމުގެ ބޮޑުވަޒީރު، ރަނިލް ވިކްރަމަސިންހުގެ ދައުވަތުފުޅަކަށް ރައީސް ސޯލިހް ލަންކާއަށް ވަޑައިގެންނެވީ އިއްޔެއެވެ. އެމަނިކުފާނަށް އެއާޕޯޓުން މަރުހަބާ ދެންނެވީ ވެސް ރަނިލްއެވެ.
މިއަދު ހެނދުނު ލަންކާގައި ބޭއްވި މިނިވަން ދުވަހުގެ ޚާއްސަ ހަފުލާތައް ރައީސް ޝަރަފުވެރިކޮށް ދެއްވާފައިވާއިރު އެމަނިކުފާނަށް ބޮޑު ވަޒީރު ރަނިލް ވަނީ މިއަދު ޚާއްސަ މެންދުރުގެ ފަރީކޮޅަކަށް ވެސް ދައުވަތު އަރުވާފައެވެ.
މިދަތުރުފުޅުގައި ރައީސް ސޯލިހް ވަނީ ލަންކާއާ ދިވެހި ރާއްޖެއާ ދެމެދު އޮތް ގުޅުން އިތުރަށް ވަރުގަދަ ކުރުމަށް މަޝްވަރާ ކުރުމަށް ވެސް ހަމަޖެހިފައެވެ.