ރެހެނދި އެވޯޑަށް ކުރިން އަންހެނުންނަށް އެކަނި ކުރިމަތިލެވޭ ގޮތަށް އޮތް އޮތުން ބަދަލުކޮށް ފިރިހެނުންނަށް ވެސް އެވޯޑަށް ކުރިމަތިލުމަށް ހުޅުވާލައިފިއެވެ.
ނިމިގެން ދިޔަ އަހަރު ޖެނުއަރީ 31 ގައި މިނިސްޓްރީ އޮފް ޖެންޑާ އެންޑް ފެމިލީ އިން ރެހެނދި އެވޯޑަށް ކުރިމަތިލުމަށް ކުރި އިއުލާން ބާތިލުކުރުމަށް ފަހު ފިރިހެނުންނަށް ވެސް ކުރިމަތިލެވޭ ގޮތަށް ހަދައި މިހާރު ވަނީ އަލުން އިއުލާންކޮށްފައެވެ.
އެވޯޑަށް ކުރިމަތިލުމަށް މިމަހުގެ 14 ވަނަ ދުވަހާ ހަމައަށް ހުޅުވާލާފައިވާއިރު ހުށައަޅަން ޖެހޭ ތަކެތީގެ ތަފްސީލު ފޯމުގައި ބަޔާންކޮށްފައިވެއެވެ.
އެވޯޑަށް ކުރިމަތިލާއިރު ޖެންޑާރ މެއިންސްޓްރީމް ކުރުމުގެ ދާއިރާގައި 10 އަހަރު ދުވަހު މަސައްކަތް ކޮށްފައިވާ ފިރިހެނުންނަށް ވެސް ކުރިމަތިލެވޭ ގޮތަށް ވަނީ ހަދާފައެވެ.