ބޮލީވުޑްގެ ރާޖާގެ ނަމުން މަޝްހޫރުވެފައިވާ ޝާހްރުކް ޚާން، އަކްޝޭ ކުމާރުއާއެކު ފިލްމެއް ކުޅުމާއިމެދު ދެކޭ ގޮތް ދާދިފަހުން ވަނީ ހާމަކޮށްފައެވެ.
ޝާހް ބުނެފައިވާ ގޮތުގައި އަކްޝޭއާއެކު މަސައްކަތް ކުރުމަކީ ފަސޭހަ ކަމަކަށް ނުވާނެއެވެ. " އަހަރެން ނިދަން އޮށޯންނަނީ އަކްޝޭ ނިދާހޭލާ ގަޑީގަ. އަހަރެން މަސައްކަތް ފަށާ ގަޑިއަކީ އަކްޝޭ މަސައްކަތް ނިންމާގަޑި" ޝާހް ބުންޏެވެ.
އަކްޝޭ ކުމާރުއަކީ ވަރަށް ފަތިހާ ހޭލައިގެން މަސައްކަތަށް ނިކުންނަ ތަރިއެއް ކަމަށް މަޝްހޫރުވެފައިވާ ތަރިއެކެވެ. އޭނާގެ ވަގުތު ކުރިޔަށްދާ ގޮތާއި އެއްވަރަށް އެހެން ތަރިންނަށް އެކަން ނުގެންދެވޭނެ ކަމަށް ބައެއް ތަރިންވަނީ އެކިއެކި ޝޯވ ތަކުގައި އެއްބަސްވެފައެވެ.
އަކްޝޭ ކުމާރުއަކީ އަހަރެއްގެ ތެރޭގައި ދެތިން ފިލްމު ކުޅެ ބެލުންތެރިންނަށް މަގްބޫލު ބްލޮކްބަސްޓާ ފިލްމުތަކެއް ގެނެސްދޭ ފަންނާނެކެވެ. އަކްޝޭއާއެކު މަސައްކަތް ކުރަން ބޭނުންވިޔަސް ދެމީހުންގެ ޓައިމިންގ ދިމާނުވާނެ ކަމަށް ޝާހްވަނީ ބުނެފައެވެ.