ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި 11 ދާއިރާއަކަށް ވާދަކުރުމަށް މޯލްޑިވްސް ލޭބަރ އެންޑް ސޯޝަލް ޑިމޮކްރަޓިކް ޕާޓީ އިން ނިންމައިފި އެވެ.
އެ ޕާޓީ އިން ވާދަކުރަން ނިންމާފައިވާ ދާއިރާތައް:
1. ހދ. ނޮޅިވަރަމް ދާއިރާ
2. ށ. މިލަންދޫ ދާއިރާ
3. ޅ. ހިންނަވަރު ދާއިރާ
4. ބ. އޭދަފުށި ދާއިރާ
5. އދ. މާމިގިލި ދާއިރާ
6. ތ. ކިނބިދޫ ދާއިރާ
7. ގއ. ދާންދޫ ދާއިރާ
8. ސ. މީދޫ ދާއިރާ
9. ވިލިމާލެ ދާއިރާ
10. ހުޅުމާލެ ދާއިރާ
11. ހެންވޭރު ދެކުނު ދާއިރާ
އެ ޕާޓީ އިން ބުނީ އެ ދާއިރާތަކަށް އެ ޕާޓީގެ ފަރާތުން ވާދަކުރާ ފަރާތްތަކުގެ ނަންތައް ކައިރި މުސްތަޤުބަލެއްގައި އެ ޕާޓީ އިން ބާއްވާ ޚާއްސަ ރަސްމިއްޔާތެއްގައި އިއުލާންކުރާނެ ކަމަށެވެ. އަދި އިތުރު ދާއިރާތަކުން ވާދަކުރަން ޝައުޤުވެރިކަން ފާޅުކޮށްފައިވާ ބައެއް ފަރާތްތަކާއި ބައްދަލުކޮށް މަޝްވަރާކުރަމުންދާ ކަމަށާއި، ލޭބަރ ޕާޓީގެ ޓިކެޓުގައި މަޖިލީހަށް ވާދަކުރަން ބޭނުންނަމަ އެކަން އެ ޕާޓީއާއި ހިއްސާކުރުމުގެ ފުރުސަތު އަދިވެސް ހުޅުވާލެވިފައިވާ ކަމަށްވެސް އެ ޕާޓީ އިން ބުނެއެވެ.
ލޭބަރ ޕާޓީ އިން ބުނީ މަޖިލިސް އިންތިޚާބުގައި އެ ޕާޓީ ތަމްސީލްކުރުމަށް ފުރުސަތު ދިނުމުގައި މަސައްކަތްތެރިންގެ ޙައްޤުތައް ޙިމާޔަތް ކުރުމުގައި ދެމިތިބޭނެ ފަރާތްތަކަށް އިސްކަންދޭ ކަމަށާއި، އެފަރާތްތަކާއި ލޭބަރ ޕާޓީއާއި ދެމެދު އެފަދަ އިޤުރާރެއްގައި ސޮއިކުރެވޭނެ ކަމަށެވެ.