ކ. އަތޮޅާއި މ. އަތޮޅާއި ދެމެދަށް ވައިޓް އެލާޓް ނެރެފި

މޫސުމާއިބެހޭ ގައުމީ އިދާރާ(މެޓް) އިން ކ. އަތޮޅާއި މ. އަތޮޅާއި ދެމެދަށް ވައިޓް އެލާޓް ނެރެފިއެވެ.

އެ އިދާރާއިން ބުނެފައިވާ ގޮތުގައި މިއަދު ކ. އަތޮޅާއި މ. އަތޮޅާއި ދެމެދުގެ ރަށްތަކަށް ގުގުރުމާއެކު ބޯކޮށް ވާރޭވެހޭނެ ކަމަށް ލަފާކުރެވެއެވެ. ވިލާގަނޑުގައި ގާތްގަނޑަކަށް 40 މޭލަށް ވައި ބާރުވާނެ ކަމަށް ވެސް މެޓް އޮފީހުން ލަފާކުރެއެވެ.

މެދުތެރޭގެ އަތޮޅުތަކުގެ ކަނޑުތައް އާދައިގެ ވަރަކަށް ގަދަވާނެ ކަމަށާއި، އެހެން ހިސާބުތަކުގެ ކަނޑުތައް އާދައިގެ ވަރަކަށް މަޑުވާނެ ކަމަށް ވެސް މެޓް އޮފީހުން ލަފާކުރެއެވެ.

މި އެލާޓް ނެރެފައިވަނީ މިއަދު ހެނދުނު 10:15 އިން ފެށިގެން 16:00އާއި ހަމައަށެވެ.