07 ފެބްރުއަރީ ވާ ބުރާސްފަތި ދުވަހަކީ ސަރުކާރު ބަންދު ދުވަހަކަށް ވީނަމަވެސް، މޯލްޑިވިއަންގެ ޓިކެޓް އޮފީސް ހުޅުވާނެ ކަމަށް އެ އެއާލައިނުން ބުނެފި އެވެ.
ދިވެހިރާއްޖޭގެ ޤައުމީ އެއާލައިން އިން މިއަދު ކުރި އިއުލާނެއްގައި ބުނެފައި ވަނީ މާދަމާ އަކީ ރަސްމީ ބަންދު ދުވަހެއް ކަމުގައިވިޔަސް، މާދަމާ ހެނދުނު 09:00 އިން މެންދުރުފަހު 14:00 އާއި ހަމައަލަށް އެ އެއާލައިންގެ ޓިކެޓް އޮފީސް ހުޅުވާފައި ހުންނާނެ ކަމަށެވެ.
Please be informed as 07th February 2019, Thursday is a public holiday, our ticket office will be open from 09:00 – 14:00hrs. pic.twitter.com/kV2gylHRXR
— Maldivian (@MaldivianAero) February 6, 2019
މޯލްޑިވިއަންގެ ޓިކެޓް އޮފީސް ބަންދު ވަގުތުތަކުގައި ވެސް އެ އެއާލައިންގެ ވެބްސައިޓް މެދުވެރިކޮށް އޮންލައިންކޮށް ޓިކެޓް ނެގޭނެ އެވެ.
މޯލްޑިވިއަން އިން ވަނީ މިދިޔަ ޖެނުރައީ މަހުގެ 10 ވަނަ ދުވަހުން ފެށިގެން އެ އެއާލައިންގެ އެތެރޭގެ އުދުހުންތަކުެ އަގުވެސް ހެޔޮކޮށްފަ އެވެ.
މާދަމާ އަކީ ރައްޔިތުންގެ މަޖިލީހުގެ 2019 ވަނަ އަހަރުގެ ފުރަތަމަ ދައުރުގެ ފުރަތަމަ ޖަލްސާ ބާއްވާ ދުވަހެވެ. އެ ދުވަހަކީ ސަރުކާރުގެ ރަސްމީ ބަންދު ދުވަހެއްގެ ގޮތުގައި ރައީސް އިބްރާހިމް މުހައްމަދު ސޯލިހު ވަނީ ކަނޑައަޅުއްވާފަ އެވެ.
މާދަމާ މަޖިލިސްގެ ޖަލްސާތައް ފެށިގެންދާއިރު، މާދަމާގެ ޖަލްސާގައި ރައީސް ސޯލިހުގެ ރިޔާސީ ބަޔާން އިއްވެވުން އޮންނާނެ އެވެ.