ދަ ފޭދޫ ސްޕޯޓްސް ކުލަބުން އިންތިޒާމް ކޮށްގެން ބާއްވާ ފޯރިގަދަ ސްޓްރީޓް ފުޓުބޯޅަ މުބާރާތް، މައިލޯ ސްޓްރީޓް ސޮކާ މިރޭ ފަށާނެއެވެ.
މުބާރާތް ފެށޭ މެޗުގައި ވާދަކުރާނީ ޑީސީ ސްޕޯޓްސް އަދި އެފްސީ ސްކޫޕް ކަންމަތިއެވެ. މިމެޗަށް ފަހު މިރޭ ދެން ކުޅޭ މެޗުގައި ވާދަކުރާނީ އެފްސީ ޒެފިއާ އަދި އަދި ފްރެންޑްސް ކުލަބެވެ.
މުބާރާތް ފަށާ ރެއަށް މިރޭ ވާތީ ދެމެޗު ކުޅުނު ނަމަވެސް އެހެން ރޭތަކުގައި ތިން މެޗު ކުޅޭނެއެވެ. މިރޭގެ ފުރަތަމަ މެޗު ފެށިގެން ދާނީ 21:00 ގައެވެ. އަދި ދެވަނަ މެޗުގެ ކުޅުން 22:00 ގައި ފެށިގެންދާނެއެވެ.
ވިހީ ޓީމު ބައިވެރިވާ މިމުބާރާތުގެ ޗެމްޕިއަން ޓީމަކަށް 55،000ރ. ލިބިގެންދާނެ އިރު ރަނަރަޕަށް ދާ ޓީމަކަށް 23،000ރ. ގެ ފައިސާގެ އިނާމެއް ލިބޭނެއެވެ.