ކުރީގެ ރައީސް މައުމޫންގެ އާ ޕާޓީ، މޯލްޑިވްސް ރިފޯމް މޫވްމަންޓު (އެމްއާރްއެމް) އުފެއްދުމަށް އިލެކްޝަންސް ކޮމިޝަނަށް ފޯމު ހުށައަޅައިފިއެވެ.
ރައީސް މައުމޫންގެ އިސް ނެންގެވުމާއެކު އުފައްދާ މިޕާޓީ އުފެއްދުމަށޤ ސިޔާސީ ޕާޓީ އުފެއްދުމުގެ ހުއްދައަށް އެދި ހުށައަޅާ ފޯމް މިއަދު ހެނދުނު އެމްއާރްއެމް ޓީމުން ވަނީ އީސީއަށް ހުށައަޅާފައެވެ.
ކުރީގެ ރައީސް ޔާމީންގެ އިސް ނެންގެވުމުގެ މަތިން ޕީޕަލްސް ނޭޝަނަލް ކޮންގްރެސްގެ ނަމުގައި ޕާޓީއެއް އުފެއްދުމަށް ފަހު ޕާޓީގެ ލީޑަޝިޕާ ގުޅޭގޮތުން ކޯޓަށް ހުށައެޅި މައްސަލަ ޔާމީން ކޮޅަށް ނިމުމުން ޕީޕީއެމުން ވަނީ ޕީއެންސީއާ ކޯލިޝަން ހަދާފައެވެ. ކޮންގްރެސްގެ ވަގުތީ ރައީސަކީ ޕީޕީއެމްގެ ކުރީގެ ނައިބު ރައީސް އަބްދުއްރަހީމް އަދުރޭއެވެ. ކޯލިޝަނަށް ދީފައިވާ ނަމަކީ ޕްރޮގްރެސިވް ކޮންގްރެސްއެވެ.