މައިލޯ ސްޓްރީޓް ސޮކާ 2019 ގައި ރޭ ކުޅުނު މެޗުތައް ޔަންގް ވަންސް ޓީމާއި އެސްއެމްޓީ ކާމިޔާބުކޮށްފިއެވެ. ތިން މެޗު ރޭ ކުޅެފައިވާއިރު އެފްސީ ގަރާޖް އަދި ޖޯލިއަންސް ކުޅުނު މެޗު ނިމިގެން ދިޔައީ ދެޓީމުންކުރެ އެއްވެސް ޓީމަކަށް ލަނޑެއް ނުޖެހި އެއްވަރުވެގެންނެވެ.
ރޭގެ ފުރަތަމަ މެޗުގައި ވާދަކުރީ ޔަންގް ވަންސް އަދި ރެޑްލައިން ސިޓީއެވެ. މިމެޗުގެ ހަމައެކަނި ލަނޑު ފެނިގެން ގޮސްފައިވަނީ ޔަންގް ވަންސްގެ ޖާޒީ ނަމްބަރު 9، ރަފާހް އިބްރާހިމްގެ ފަރާތުންނެވެ.
ދެވަނަ މެޗުގައި ޖޯލިއަންސްއާއި އެފްސީ ގަރާޖް ކުޅެން ނިކުމެފައިވާއިރު ފޯރިގަދަ ކުޅުމަކަށް ފަހު މެޗުގެ ފުރިހަމަ ވަގުތު ހަމަވެގެން ދިޔައީ ދެޓީމުން ކުރެ އެއްވެސް ޓީމަކަށް ލަނޑެއް ކާމިޔާބުނުކުރެވިއެވެ.
ފަހު މެޗުގައި އެފްސީ އަފިރިން އަދި އެސްއެމްޓީ ބައްދަލުކޮށްފައިވާއިރު ހަނިގޮތަކަށް އެސްއެމްޓީ ސަލާމަތްވީ އަޒްމީލް ކާމިޔާބުކުރި ލަނޑަކުންނެވެ. މިމެޗުގެ މޮޅު ކުޅުންތެރިޔަކަށް ވެސް ހޮވުނީ އޭނާއެވެ.