އއ. ވެލިދޫ އައިލެންޑް ރިސޯޓްގައި މޫދަށް އެރި އުޅުނު ފަތުރުވެރިއަކު ގެނބިގެން މަރުވެއްޖެ އެވެ.
މި ހާދިސާގައި މަރުވެފައި ވަނީ އޮސްޓްރޭލިއާ އަށް ނިސްބަތްވާ އުމުރުން 78 އަހަރުގެ ފިރިހެނެކެވެ. ފުލުހުން ބުނީ މި ހާދިސާގެ މައުލޫމާތު ފުލުހުންގެ އިދާރާއަށް ލިބިފައިވަނީ މިއަދު ހަވީރުގެ ވަގުތެއްގައި ކަމަށެވެ.
މިހާރަކަށް އައިސް ގެނބިގެން ފަތުރުވެރިން މަރުވާ މިންވަރު ވަނީ އިތުރުވެފައެވެ. އެގޮތުން މިދިޔަ ހަފްތާގެ ތެރޭގައި ވެސް ފަތުރުވެރިއަކު ވަނީ ގެނބިގެން މަރުވެފައެވެ. އެ ހާދިސާގައި މަރުވެފައި ވަނީ ނ.އަތޮޅުގައި އޮންނަ ރޮބިންސަން ރިސޯޓުގައި މޫދަށް އެރި އުޅުނު އުމުރުން 45 އަހަރުގެ ޗައިނާ ފިރިހެނެކެވެ.
މީގެ އިތުރުން ވެސް މި އަހަރުގެ މިހާތަނަށް ގެނބިގެން ފަތުރުވެރިން މަރުވުމުގެ ގިނަ ހާދިސާތަކެއް ވަނީ ރިޕޯޓްކުރެވިފަ އެވެ.