ފ. ފީއަލީގައި ހަލުއިކަމާއެކު ފެތުރެމުންދިޔަ ޑެންގީހުން ކޮންޓްރޯލް ކުރެވިއްޖެ ކަމަށް އެރަށު ހެލްތު ސެންޓަރުން ބުނެފިއެވެ.
ފ.ފީއަލީ ހެލްތު ސެންޓަރުގެ ކޮމިއުނިޓީ ހެލްތު އޮފިސަރ އަބްދުﷲ ޒައީމް ވިދާޅުވީ، އެރަށުގައި ހަލުވި ކަމާއި އެކު ފެތުރުމުން އައި ޑެންގީ ހުން ކޮންޓްރޯލް ކުރެވިފައިވާ ކަމަށެވެ. އެގޮތުން ފާއިތުވި 2 ދުވަހު އެެއްވެސް ކޭސްއެއް ސިއްހީ މަރުކަޒަށް ރިޕޯޓުކޮށްފައި ނުވާކަމަށެވެ.
ޒައީމް ވިދާޅުވީ ޑެންގޫ ހުން މި ވަތުތަށް ކޮންޓްރޯލް ކުރެވިފައިވީ ނަމަވެސް ރަށުތެރޭގައި ވައިރަލް ހުމުގެ އަސަރު ހުރި ކަމަށެވެ. ނަމަވެސް ސީރިއަސްވާ ވަރުގެ މައްސަލައެއް މިހާރު ނެތްކަމަށް ޒައީމް ވިދާޅުވިއެވެ.،
ފީއަލީގައި ހަލުވި ކަމާއި އެކު ޑެންގީ ހުން ފެތުރުމާއި ގުޅިގެން ރަށުގެ ސްކޫލް ވަނީ ހަފްތާއަކަށް ބަންދުކޮށްފައެވެ. ނަމަވެސް މިހާރު ހުމުގެ ކަންކަން އާއްމު ހާލަތަށް ގެނެވިފައިވާތީ އަންނަ އާދީއްތަ ދުވަހު ކިޔަވައިދޭން ފަށާނެކަމަށް ޒައީމް ވިދާޅުވިއެވެ.