އަދާލަތު ޕާޓީއިން ކާމިޔާބުކުރާ ކޮންމެ ގޮނޑިއަކީ ރައީސް އިބްރާހީމް މުހައްމަދު ސޯލިހްގެ ސަރުކާރަށް ލިބޭ ވަރަށް ވަރުގަދަ ބާރެއްކަމަށް އެ ޕާޓީގެ ރައީސް ޝެއިޚް ޢިމްރާން ޢަބްދުﷲ ވިދާޅުވެއްޖެއެވެ.
ޝެއިޚް ޢިމްރާން މިފަދައިން ވިދާޅުވީ އެ ޕާޓީއިން ޓިކެޓް ހަވާލުކުރި ފަރާތްތަކާއެކު ނަންގަވާފައިވާ ފޮޓޯއެއް ޓްވިޓާގައި ހިއްސާ ކުރައްވަމުން ކުރެއްވި ޓްވީޓެއްގައެވެ.
Adhaalath Party ah #Majilis2019 gai kaamiyaabu kurevey komme gondi akee HEP @ibusolih ge sarukaarah libey varugadha baareh. Majlis gai sarukaarah ehbaarulundhee, Raees ge vaudhufulhuthakaai sarukaaru ge siyaasathu thakah qaanooni baaru hodhumah AP masahkayi kuraane. #sathirees pic.twitter.com/gsV1YZUli5
— Imran Abdulla (@ShimranAb) February 13, 2019
އެ ޓްވީޓްގައި އިތުރަށް ވިދާޅުވީ މަޖިލީހުގައި ސަރުކާރަށް އެއްބާރުލުންދީ، ރައީސްގެ ވައުދުފުޅުތަކާއި ސަރުކާރުގެ ސިޔާސަތުތަކަށް ގާނޫނީ ބާރު ހޯދުމަށް އަދާލަތު ޕާޓީ މަސައްކަތް ކުރާނެ ކަމަށެވެ.
ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި އަދާލަތު ޕާޓީން މިފަހަރު ވާދަކުރާނީ 8 ދާއިރާ އަކަށެވެ.
އެގޮތުން އަދާލަތުން ވާދަކުރާ ދާއިރާތަކަކީ ހއ.ކެލާ ދާއިރާ އާއި ހދ.މަކުނުދޫ ދާއިރާ އާއި ހދ.ވައިކަރަދޫ ދާއިރާ އާއި ރ.އިނގުރައިދޫ ދާއިރާ އާއި ކާށިދޫ ދާއިރާ އާއި އދ.މަހިބަދޫ ދާއިރާ އާއި މ.މުލަކު ދާއިރާގެ އިތުރުން ފ.ނިލަންދޫ ދާއިރާއެވެ.