ނ.މަނަދޫ ކުނިކޮށީ ގައި ރޭ އަލިފާނުގެ ޙާދިސާއެއް ހިނގައިފިއެވެ.
މަނަދޫން ވާހަކަ ދެއްކި މީހަކު ބުނީ ކުނިކޮށީގައި އަލިފާން ރޯވެފައި ހުއްޓާ ފެނިފައިވަނީ ރޭ 8 ޖަހާއިރު ކަމަށެވެ. ކުނިކޮށީގައި ރޯވި އަލިފާން ގަނޑު ނިއްވުމަށް ރަށުގެ އާއްމު ރައްޔިތުންނާއި، ފުލުހުންނާއި، ނުކުމެ ކުރިމަސައްކަތުން އަލިފާންގަނޑު ކޮންޓްރޯލްކުރެވުނީ ރޭ ވަރަށް ދަންވިފަހުންނެވެ.
އެރަށުގެ ބައެއް މީހުން ބުނާ ގޮތުން ބަޔަކު ކުނިކޮށީގައި ގަސްދުގައި ރޯކޮށްލީއެވެ. ނަމަވެސް ރަސްމީ އިދާރާއަކުން މިކަން ކަށަވަރުކޮށް ނުދެއެވެ. ނަމަވެސް ފުލުހުން ދަނީ މި ހާދިސާ ހިނގަން މެދުވެރިވި ސަބަބުން ހޯދުމަށް ތަހްގީގު ކުރަމުންނެވެ.
ރޭ ހިނގި އަލިފާނުގެ ޙާދިސާގައި އެއްވެސް މީހަކަށް ގެއްލުމެއް ލިބިފައި ނެތް ނަމަވެސް މަނަދޫ ވޭސްޓްމެނޭޖްމެންޓް ސެންޓަރުގައި ބޭނުންކުރާ ބައެއްތަކެއްޗަށްވަނީ އެކިވަރުގެ ގެއްލުން ލިބިފައެވެ.