އއ. މަތިވެރީގައި ހުންނަ އެސްޓީއޯގެ ބޭސް ފިހާރާ ފަޅާލައި އެތަނުގެ ތިޖޫރީ ވަގަށް ނަގައިގެން ދަނިކޮށް ފުލުހުންނަށް ފެނިފައިވާ ކަމަށް ފުލުހުން ބުނެފިއެވެ.
ފުލުހުން ބުނީ ބުދަ ދުވަހުގެ ދަންވަރު 02:50 ހާއިރު މަތިވެރި ޕެޓްރޯލް ކުރަން ހަރަކާތްތެރިވި ފުލުހުންނަށް ދެ މީހަކު ތިޖޫރީއެއް ހިފައިގެން އުޅެނިކޮށް، ފެނިގެން މަޑުކުރަން އެންގުމުން ތިޖޫރީ އެއްލާލުމަށް ފަހު ފިލާފައިވާ ކަމަށެވެ.
ފުލުހުން ބުނީ ފަހުން ބެލި ބެލުމުން އެނގުނީ ފަޅާލާފައި ހުރީ އެސްޓީއޯ ބޭސް ފިހާރަ ކަމަށާއި އެ ތިޖޫރީ ފުލުހުން ބެލުމުގެ ދަށަށް ގެންގޮސް ފައިވާ ކަމަށެވެ.
އެ ތިޖޫރީގައި ހުރީ ކިހާ ފައިސާއެއް ކަން ވެސް އެނގިފައެއް ނުވެއެވެ. މި މައްސަލަ ފުލުހުން ދަނީ އިތުރަށް ތަހުޤީޤު ކުރަމުންނެވެ.