މޯލްޑިވްސް މާކެޓިން އެންޑް ޕަބްލިކް ރިލޭޝަން ކޯޕަރޭޝަން(އެމްއެމްޕީއާރްސީ) އިން ދައުލަތަށް ޚިޔާނާތްތެރިވެފައިވާ 1.4 ބިލިއަން ރުފިޔާގެ މައްސަލަ ތަހުގީގު ކުރުމުގައި އެންޓި ކޮރަޕްޝަން ކޮމިޝަނުން 700 އަށްވުރެ ގިނަ ގަޑިއިރު ހޭދަކޮށްފައިވާ ކަމަށް އެއިދާރާއިން ހާމަކޮށްފިއެވެ.
މިއަދު އޭސީސީން ނެރުނު މައްސަލައިގެ ތަހުގީގީ ރިޕޯޓުގައި ބަޔާންކޮށްފައިވާ ގޮތުގައި މިމައްސަލައަކީ މިހާތަނަށް ކޮމިޝަނުން ތަހުގީގުކުރި އެންމެ ބޮޑު މައްސަލަ ކަމަށެވެ. ތަހުގީގު ކުރުމަށް ކޮމިޝަންގެ ޚާއްސަ އިންވެސްޓިގޭޓިވް ޓީމެއް ނެގިފައިވާ ކަމަށާއި ތަހުގީގުގައި 36 މުވައްޒަފުން ބައިވެރިވެފައިވާ ކަމަށް ބުނެފައިވެއެވެ.
ތަހުގީގުގައި 57 ރަށެއްގެ މައްސަލަ ބަލާފައިވާއިރު އެރަށްތަކާ ގުޅޭ 5،681 ޑޮކިއުމެންޓް ދިރާސާކޮށްފައިވާއިރު ބީއެމްއެލްއާ ގުޅިގެން އެކައުންޓުތަކުގެ ތަފްސީލު ހޯދުމަށް 28،448 ލިޔެކިއުން ދިރާސާކޮށްފައިވެއެވެ.
މައްސަލައިގެ ތަހުގީގަށް 73 އިދާރާއަކުން މައުލޫމާތު ހޯދާފައިވާއިރު ދައުލަތުގެ 06 އިދާރާއަކުން މައްސަލައިގެ ތަހުގީގުގައި ބައިވެރިވެފައިވެއެވެ.