އެމްޑީޕީގެ ރިއާސީ ކެންޑިޑޭޓް އަދި ކުރީގެ ރައީސް މުހައްމަދު ނަޝީދު މިއަދު ހުޅުމީދޫއަށް ވަޑައިގެންފި އެވެ.
މިއަދު ހެނދުނު 10:45 ގައި މީދޫ އަށް ވަޑައިގެން މީދޫ އަންހެނުންގެ ޖަގަހަ ހުޅުވައި ދެއްވުމަށް ފަހު މީދޫގައި އަލަށް ހެދި އެމްޑީޕީ އޮފީސް ވެސް އެ މަނިކުފާން ވަނި ހުޅުއްވާ ދެއްވާފަ އެވެ.
އެމްޑީޕީގެ ސިއްހީ މެނިފެސްޓޯ "ހިތްހަމަޖެހުން: ގަރުބަގަތީއްސުރެ ނެތިދިއުމަށް ދާންދެން" ރަސްމީކޮށް އިފްތިތާހްކޮށްދެ އްވުމަށް އިއްޔެ އައްޑު އަށް ވަޑައިގެންނެވި ނަޝީދު މީދޫގެ އޮފީސް ހުޅުވައިދެއްވުމަށް ފަހު ހުޅުދު އަށް ވަޑައިގެން ހުޅުދޫގެ ދެ ޖަގަހައެއް ވެސް ވަނީ ހުޅުއްވައި ދެއްވާފަ އެވެ.
އަދި މިވަގުތު ހުޅުދޫ "ބޮމާ ފަންނު" ގައި ނަޝީދު ހުންނެވީ އެ ރަށުގެ ޒުވާނުންތަކެއް އެމްޑީޕީއަށް ސޮއި ކުރުމުގެ ރަސްމިއްޔާތުގައި ބައިވެރިވެވަޑައިގެންނެވެ.
ހުޅުމީދޫ އަވަށު ބޯޑުގެ ނައިބް ރައީސް އަލީ މުހައްމަދު ވިދާޅުވީ ނަޝީދު ސޮއި ކުރުމުގެ ރަސްމިއްޔާތު ނިންމުމަށް ފަހު މެންދުރު ނަމާދު ކުރައްވައިގެން ވަޑައިގަތުމަށް ހަމަޖެހިފައި ވަނީ ހުޅުމީދޫ އެމްޑީޕީ މެމްބަރުން އެ މަނިކުފާނަށް އަރުވާ މެންދުރުގެ ހާއްސަ ކެއުމަކަށް ހުޅުދޫ "ވާރުގެ"އަށެވެ.
އަދި މެންދުރު ކެއުން ނިންމަވާލެއްވުމަށް ފަހު 2 ޖަހާއިރު އެ މަނިކުފާން ހުޅުދޫ ބަނދަރުން ފުރާ ވަޑައިގަތުމަށް ހަަމަޖެހިފައިވާ ކަމަށެވެ.
ރައީސް ނަޝީދުއަށް ހާއްސަކޮށްގެން ރޭ ފޭދޫ ބަނދަރު ސަރަހައްދުގައި ވަނީ ހާއްސަ ބޮޑުބެރަ ޝޯވް އަކާއި އެކު ބާބަކިއުއް ބާއްވާފައެވެ. އަދި އެ ސަރަހައްދުގައި ޕާޓީ އަށް އަލަށް ސޮއި ކުރުމުގެ ރަސްމިއްޔާތެއް ވެސް ވަނީ ބާއްވާފައެވެ.
ނަޝީދު މިއަދު ހުޅުމީދު އަށް ވަޑައިގަތީ ހިތަދޫ އުތުރު ދާއިރާގެ އަންހެން ކަނބަލުން އެ މަނިކުފާނަށް އެރުއްވި ހާއްސަ ހެނދުނުގެ ނާސްތާއެއް އިންސާފު ކުރެއްވުމަށް ފަހު އެވެ.
ނަޝީދު އައްޑޫން ފުރާ ވަޑައިގަތުމަށް ހަމަޖެހިފައި ވަނީ މެންދުރު ފަހު 3:00 އެހާކަށްހާ އިރު އެވެ.