ދެ ކިޑްނީ ފެއިލްވެފައިވާ އަންސާރާއަށް އެހީވުމަށް މިއަދު މެންދުރު ފަހު 2.00 އިން ރޭގަނޑު 9.00 އަށް ހިތަދޫގައި ހާއްސަ ހަރަކާތެއް ބާއްވަން ނިންމައިފިއެވެ.
އަންސާރާގެ އާއިލާގެ މެމްބަރުންނާއި ހެޔޮއެދޭ ފަރާތްތަކުން ގުޅިހެން ބާއްވާ ހާއްސަ ކެންޓީނު ހަރަކާތް ބޭއްވުމަށް ހަމަޖެހިފައިވަނީ ހިތަދޫ ކޯޒީކޯނާރ ކުރިމަތީ ގައިއެވެ. މިއަދުގެ ކެންޓީނު ހަރަކާތުގައި އައިސްކުރީމް، އައިސްކޯން، ހެދިކާ، އިތުރުން ފިނި ބުއިން ލިބޭނެ އިންތިޒާމް ވަނީ ހަމަޖައްސާފައެވެ.
މި ހަރަކާތް އިންތިޒާމް ކުރާ ޓީމުން ބުނީ އަންސާރާއަށް އެހީވުމަށް ފަންޑު ފޮއްޓެއް ބެހެެއްޓިފައި ހުންނާނެކަމަށެވެ.
ދެކިޑްނީ ފެއިލްވެ މިހާރު ހަފްތާއަކު ތިން ދުވަހު ޑައިލަސިސް ހަދަމުން އަންނަ އަންސާރާގެ ކިޑްނީ ބަދަލު ކުރުމަށް މިހާރު ޑޯނާއެއް ލިބިފައިވާ އިރު މި ބޮޑު އޮޕަރޭޝަނަށް 400،000 އެއްހާ ރުފިޔާ ހަރަދުވެއެވެ. މި ހަރަދަކީ އާސަންދައިން ލިބޭ ހަރަދަކަށް ނުވުމުން އާއިލާއަށް ވަނީ ދީލަތި އެހީއަށް ބޭނުންވެފައެވެ. މިހާތަނަށް އެކިގޮތް ގޮތުން 51،000 ރުފިޔާ އެއްކުރެވިފައިވާ އިރު މާދަމާގެ ހަރަކާތަކީ މިކަމަށް ފައިސާ ހޯދުމަށް ހިންގާ ހަރަކާތެކެވެ.
"ހެލްޕު އަންސާރާ ފަންޑު" ހަރަކާތުގައި ވީހާ ވެސް ގިނަ ބަޔަކު ބައިވެރި ވެ އެހީތެރިކަމުގެ އަތެއް ދިއްކޮށްލުމަކީ އަންސާރާ ފަންޑު އިންތިޒާމް ކުރާ ފަރާތުގެ ވަރަށް ބޮޑު އެދުމެކެވެ.
އެހީ ވެލައްވަން ބޭނުންފުޅުވާ ބޭފުޅުން އެހީ ފޮނުއްވާނީ
Ansara Ahmed/ 7708505270101