ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހުއަށް ހިތުގައިވާ އިޙްތިރާމް ދެގުނަ ވެއްޖެ ކަމަށާއި އަސްލު "ގަޓު" ރައީސަކީ އެއީ ކަމަށް ދީނީ އިލްމުވެރިޔާ ޝެއިޚް އަލީ ޒައިދު ވިދާޅުވެއްޖެއެވެ.
އެމްއެމްޕީއާރުސީގެ ހިޔާނާތުގެ ފައިސާ ޖަމާވިކަމަށް އޭސީސީ ތަހްގީގު ރިޕޯޓުގައި ހިމެނުނު މި ސަރުކާރުގެ ޔޫތު މިނިސްޓަރ އަހުމަދު މަހްލޫފު އާއި ޕްލޭނިންގެ ސްޓޭޓު މިނިސްޓަރ އަކުރަމް ކަމާލުއްދީން ތަހްގީގު ނިމެންދެން ގޭގައި މަޑު ކުރެއްވުމަށް ރައީސް އިބްރާހިމް މުހައްމަދު ސޯލިހު އެންގެވުމާއި ގުޅިގެން އެމަނިކުފާނަށް ދިވެހި ރައްޔިތުންނާއި ދީނީ އިލްމުވެރިންގެ ތައުރީފް ދަނީ އޮހެމުންނެވެ.
މިކަމާއި ގުޅުވައިގެން ޝެއިޚް ޒައިދު ކުރެއްވި ޓްވީޓެއްގައި ވިދާޅުވީ "ރައީސް އިބްރާހީމް މުހައްމަދު ސޯލިހްއަށް އަޅުގަނޑުގެ ހިތުގައިވާ އިޙްތިރާމް ދެގުނަ ވެއްޖެ! މާޝާ ﷲ! އަސްލު "ގަޓު" ރައީސަކީ މިއީ ދެއްތޯ. ކުށްވެރިވާނަމަ، އެމީހަކަށް ފިޔަވަޅު އެޅެންވާނެ! އަދި ބަރީޢަ މީހާ ސަލާމަތްވެސް ވާންވާނެ! ވަގުން ޑީލް ހަދާނެ ކޭޝްކޮށް ވެސް! މިކަން ވެސް ބަލަން ޖެހޭ!" މިހެންނެވެ.
R. @ibusolih ah alhuganduge hithugaivaa ihthiraam 2 guna vejje! Maashaa Allah! Aslu 'gatu' Raees akee mee dhehthoo. Kuhveri vaanama, emeehakah fiyavalhu elhen vaane! Adhi bareea meehaa salaamai ves vaan vaane! Vagun deal hadhaane cash koh ves! Mikan ves balan jehey! 👏👏👏
— Ali Zaid (@alizaid1000) February 14, 2019
ރައީސް ސޯލިހުގެ ނިންމެވުމާއި ގުޅިގެން ކުރީގެ ބަންޑާރަ ނައިބް އަދި ރައީސް ސޯލިހު އުފައްދަވާފައިވާ "މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙުޤީގުކުރާ ކޮމިޝަން"ގެ ރައީސް ހުސްނުއް ސުއޫދު ވިދާޅުވީ މިވަރުގެ ރަނގަޅު މެސެޖެއް މިގައުމުގެ ވެރިޔަކު މިގަރުނުގައިވެސް ދެވިފައިނެތް ކަމަށެވެ. ސުއޫދު ވަނީ ރައީސްގެ ނިންމެވުމަށް ސާބަސް ދެއްވާފައެވެ.