ފިލްމު"ޖުޅުވާ 2"ގެ ތަރި ވަރޫން ދަވަން އޭނާގެ ލޯބިވެރިޔާ ނަތާޝާ ދަލާލް އާއި ކައިވެނީގެ ގޮތުން ގުޅެން ތައްޔާރުވަމުންދާ ކަމަށް އޭނާ ބުނެފިއެވެ.
ކަރަން ޖޯހަރުގެ "ކޮފީ ވިތު ކަރަން" ޝޯވގައި ވަރޫން ވަނީ މިކަން ހާމަ ކޮށްފައެވެ. ކައިވެނީގެ ވަކި ތާރީޚެއް އޭނާ ބުނެފައެއް ނުވެއެވެ. އެހެން ނަމަވެސް އެކަމަށް ތައްޔާރުވަމުންދާ ކަމަށް އޭނާ ވަނީ ބުނެފައެވެ.
ބޮލީވުޑްގެ ބައެއް ޚަބަރުތައް ފަތުރާ ނޫސްތަކުން ރިޕޯޓްކޮށްފައިވާ ގޮތުގައި ވަރޫން އަދި ނަތާޝާ އެހާ އަވަހަށް ކައިވެނި ކުރާކަށް ބޭނުން ނުވެއެވެ. އެހެން ނަމަވެސް ދެ ފަރާތުގެ އާއިލާގެ ބުނުމުގެ މަތިން ކައިވެނި އަވަސް ކުރަން ނިންމީ ކަމަށް ވެސް ރިޕޯޓްތައް ބުނެއެވެ.
ވަރޫންގެ މިހާރުގެ މަސައްކަތްތަކަށް ބަލާއިރު ދާދި ފަހުން އޭނާ ވަނީ އަބީޝެކް ވަރްމާގެ ފިލްމް" ކަލަންކް" ގެ ޝޫޓިންގ ނިންމާފައެވެ. އަދި މިވަގުތު ވަރޫން ވަނީ ޝްރައްދާ ކަޕޫރު އާއެކު ރެމޯ ޑިސޫޒާގެ ފިލްމު "ސްޓްރީޓް ޑާންސާ 3 ޑީ" ގެ ޝޫޓިންގއަށް ލަންޑަނަށް މިސްރާބު ޖަހާފައެވެ.