ބޮލީވުޑްގެ ތަރި އަމީތާބް ބައްޗަން ބޮލީވުޑްގައި މަސައްކަތް ކުރާތާ 50 އަހަރު މިއަދު ފުރިހަމަ ކޮށްފިއެވެ.
ނޭޝަނަލް ފިލްމު އެވޯޑުތަކުގެ އިތުރުން ފިލްމުފެއަރ ފަދަ އެތައް އެވޯޑެއް ހާސިލްކޮށްފައިވާ މި ފިލްމީ ފަންނާނު ވަނީ އެތައް ބައެއްގެ ހިތުން ޖާގަ ހޯދާ އިއްޒަތްތެރި އެތައް ވަނަތަކެއް މި ދާއިރާގައި ހޯދާފައެވެ.
1969ގައި ފިލްމް "ޝެހެންޝާހް" އިން މި ދާއިރާއިން މަޝްހޫރުކަން ހޯދި އަމީތާބް ވަނީ އެއަށްފަހު ބްލޮކްބަސްޓާ އެތައް ފިލްމެއް ބެލުންތެރިންނާއި ހަމަޔަށް ގެނެސްދީފައެވެ. އަމީތާބްގެ ދަރިފުޅު އަބީޝެކް ބައްޗަން އަދި އަބީޝެކްގެ އަނބިމީހާ އައިޝްވަރްޔާ ރާއީއަކީ ވެސް ބޮލީވުޑްގައި ހިޓް ފިލްމުތައް ދެމުންދާ ފަރާތްތަކެވެ.
ފިލްމުތަކުގެ އިތުރުން ސޮނީ އެންޓަޓެއިންމަންޓް ޓެލެވިޝަން އިން ގެނެސްދޭ "ކޯން ބަނޭގާ ކްރޯރްޕަތީ" އަކީ އިންޑިއާގެ ގިނަ ބައެއްގެ މަޤްބޫލުކަން ލިބިފައިވާ ޝޯވ އެކެވެ. މި ޕްރޮގްރާމް އަމީތާބް ހުށަހެޅުން ވެގެން ދިޔައީ ޕްރޮގްރާމަށް ގިނަ ބައެއްގެ ލޯ އަމާޒުވެގެން ދިޔަ ސަބަބަކަށެވެ.
އަމީތާބްގެ އެންމެ ފަހުގެ މަސައްކަތްތަކަށް ބަލާއިރު އެންމެ ފަހުން ފެނިގެން ދިޔައީ އޭނާގެ ފިލްމް"ތަގްސް އޮފް އިންދޮސްތާނީ" އެވެ. ބޮކްސް އޮފީހުގައި އެ ފިލްމު ވަނީ ރަނގަޅު ކާމިޔާބީތަކެއް ހޯދާފައެވެ.