އިންޑިއާގެ މަލިކު ކައިރިން ދިވެހި މަސް ދޯންޏެއް، އެޤައުމުގެ ސިފައިން ހިފަހައްޓައިފި އެވެ.
ރިޕޯޓްތައް ބުނާގޮތުން އެ ސަރަޙައްދުގައި މަސްވެރިކަން ކުރަނިކޮށް ހިފަހައްޓާފައިވަނީ “ވީވަރު” ނަމަކަށް ކިޔާ ދިވެހި ކަންނެލި ދޯންޏެކެވެ.
އެމްއެންޑީއެފް މީޑިއާ އޮފިޝަލް ކެޕްޓަން އިބްރާހިމް އާޒިމް އާއި ހަވާލާދީ މީޑިއާގައި ރިޕޯޓްކޮށްފައިވާ ގޮތުން އެކަމުގެ ޚަބަރު އެމްއެންޑީއެފް އަށް ލިބިފައިވާ ކަމަށާއި، އެހީތެރިކަން ފޯރުކޮށްދިނުމުގެ މަސައްކަތް މިހާރު ކުރަމުންދާ ކަމަށެވެ.
އަދި އެމައްސަލަ ފޮރިން މިނިސްޓްރީ އިންވެސް ބަލަމުން އަންނަކަން ފާހަގަކުރައްވައި އާޒިމް ވިދާޅުވީ، ޤަވާއިދާ ޚިލާފަށް ރާއްޖޭ ކަނޑުގެ ސަރަޙައްދުގައި އުޅޭ ބޭރުގެ މަސްބޯޓުތައް އެމްއެންޑީއެފް އިން ކޯސްޓްގާޑް އިންވެސް ހުއްޓުވައި، ހަމަޖެހިފައިވާ އުސޫލުގެ ދަށުން ފިޔަވަޅު އަޅަމުންދާ ކަމަށެވެ.