މައިލޯ ސްޓްރީޓް ސޮކާ 2019 ގައި ރޭ ކުޅުނު މެޗުތައް ނެކްސަސް، ސްކެވެންޖާސް އަދި އެފްސީ އަފިރިން ކާމިޔާބުކޮށްފިއެވެ.
ގަމުގައި ކޮންމެ ރެއަކު ކުރިއަށްދާ މިމުބާރާތުގައި ރޭ ކުޅުނު މެޗުތަކުގެ ތެރެއިން ނެކްސަސް ވާދަކުރީ ޖޯލިއަންސްއާ ދެކޮޅަށެވެ. މިމެޗު ނެކްސަސް ކާމިޔާބުކުރީ 0-1 ގެ ނަތީޖާއަކުން ކުރި ހޯދައިގެންނެވެ. ނެކްސަސްގެ މޮޅުވި ލަނޑު ކާމިޔާބުކުރީ އަހުމަދު ނާޝިދެވެ.
ދެވަނަ މެޗުގައި އެފްސީ އަފިރިން ވަނީ އެފްސީ ކިނބިވަލުގެ މައްޗަށް ފަސޭހަ މޮޅެއް ހޯދާފައެވެ. 0-2 އިން އަފިރިން މޮޅުވި މިމެޗުގައި އެޓީމަށް ލަނޑުތައް ކާމިޔާބުކޮށްދިނީ ހުސެއިން ހިޝާމް އަބްދުﷲ އެވެ. އޭނާގެ ރީތި ދެގޯލު މިމެޗުގައި ފެނިގެން ގޮސްފައިވާއިރު މެޗުގެ މޮޅު ކުޅުންތެރިޔަކަށް ވެސް ހޮވިފައިވަނީ ހިޝާމެވެ.
ފަހު މެޗުގައި ސްކެވެންޖާސް ވަނީ މަޝްހޫރު އެފްސީ ހަބޭސްގެ މައްޗަށް ގަދަވެގަނެފައެވެ. 0-1 އިން ސްކެވެންޖާސް މޮޅުވި މިމެޗުގެ ހަމައެކަނި ލަނޑަކީ އެޓީމުގެ މާޒް ކާމިޔާބުކޮށްދިން ލަނޑެކެވެ.