ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގެ ވޯޓާސް ލިސްޓު އިސްލާހު ކުރުމަށް ފަހު އިލެކްޝަންސް ކޮމިޝަނުން ލިސްޓަށް އިތުރު އިސްލާހެއް ގެންނަން ޖެހޭ ނަމަ ޝަކުވާ ހުށައެޅުމުގެ ފަހު ފުރުސަތަށް ހުޅުވާލައިފިއެވެ.
އިލެކްޝަންސް ކޮމިޝަނުން ބުނެފައިވަނީ ލިސްޓަށް އިތުރު ބަދަލެއް ގެންނަން އެދޭ ފަރާތްތަކުން މިމަހުގެ 26 ވަނަ ދުވަހުގެ ކުރިން އެ ކޮމިޝަނަށް އަންގައި ޝަކުވާ ހުށައަޅަން ޖެހޭނެ ކަމަށެވެ.
ރަށްވެހި ވެފައިވާ ތަން ނޫން އެހެން ތަނެއްގައި އުޅޭ ފަރާތްތަކުން ރީރަޖިސްޓާ ކުރަން ޖެހޭއިރު އީސީން ވަނީ ނިމިގެން ދިޔަ ރިޔާސީ އިންތިޚާބުގައި ވޯޓުލީ ތަނުގައި ވޯޓުލާން އެދޭ ފަރާތްތަކުން މިފަހަރު ވަކިން ރީރަޖިސްޓާ ނުކޮށް އެތަނަށް ވޯޓުލެވޭނެ ކަމަށެވެ.
ނަމަވެސް ރިޔާސީ އިންތިޚާބުގައި ވޯޓުލީ ތަން ނޫން އެހެންތަނެއްގައި ދިރިއުޅޭ ރައްޔިތުން ރީރަޖިސްޓާ ކުރަން ޖެހޭނެ ކަމަށް އީސީން ބުނެފައިވެއެވެ.
ރައްޔިތުންގެ މަޖިލިސް އިންތިޚާބު އެޕްރީލް 06 ގައި ބޭއްވުމަށް ހަމަޖެހިފައިވާއިރު ވޯޓު ހައްގު 264،589 މީހުން އެބަތިއްބެވެ. ރާއްޖޭން ބޭރުގައި އިންޑިޔާ ލަންކާގެ އިތުރުން ބެންކޮކާއި ބަންގާޅުގައިވެސް ވޯޓު ފޮށި ބަހައްޓާން އީސީން ވަނީ ނިންމާފައެވެ.