ގއ. ވިލިނގިލީގައި މީހަކު މަރުވެފައި އޮތްވާ ފެނިއްޖެއެވެ.
ފުލުހުންނާ ހަވާލާދީ "ސަން" އިން ރިޕޯޓުކޮށްފައިވާ ގޮތުގައި މަރުވެފައިވަނީ 39 އަހަރުގެ ދިވެހި ފިރިހެނެއް ކަމަށެވެ. އޭނާ ފެނިފައިވަނީ ވިލިނގިލީގެ އޮޑި ހަރުގެއެއްގެ ތެރެއިން ކަމަށް މައުލޫމާތު ލިބިފައިވާއިރު އޭނާގެ ބޭރު ފުށުން އަނިޔާގެ އަލާމާތްތައް ވެސް ފެނިފައިވާ ކަމަށް ޚަބަރު ލިބިފައިވެއެވެ.
ފުލުހުން ބުނީ އޭނާ ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށް ހޮސްޕިޓަލުން އަންގާފައިވާ ކަމަށެވެ. ޚަބަރު ލިބޭ ގޮތުގައި މަރުވެފައިވަނީ ވިލިނގިލީ އަންހެނަކާ ކައިވެނިކޮށްގެން އުޅޭ އައްޑުއަށް ނިސްބަތްވާ މީހެކެވެ.
އޭނާގެ އާއިލާއިން ބުނެފައިވަނީ އޭނާ ގެއްލިގެން ރޭ ދެފަހަރު މަތިން ފުލުހުންނަށް ފޯނުކޮށް އަންގާފައިވާ ކަމަށެވެ. ފެނުނުއިރު ގައިގެ ތަންތަނުން ހަން މެށިފައިވާއިރު އޭނާގެ ކަރުގައި ފިހިފައިހުރި ކަމުގެ އަލާމާތްތައް ވެސް ފެންނާން ހުރި ކަމަށް މަންޒަރު ދުށް ފަރާތްތަކުން ވަނީ ކިޔާދީފައެވެ.
ފުލުހުން އަންނަނީ މިހާރު މިމައްސަލަ އިތުރަށް ތަހުގީގު ކުރުމުގެ މަސައްކަތް ފަށާފައެވެ.