ފިޓް އިންފިނިޓްގެ ނަމުގައި އައްޑޫގައި ކަސްރަތު ޕުރޮގްރާމެއް ފަށައިފިއެވެ.
ފިޓް އިންފިނިޓް އިންތިޒާމް ކުރާ ފަރާތުން ބުނީ މި ކަސްރަތު ޕުރޮގްރާމަކީ ހުރިހާ އުމުރެއްގެ އަންހެނުންނަށް ޙާއްސަ ކޮށްގެން ކުރިއަށް ގެންދާ ހަރަކާތެއް ކަމަށެވެ.
ހަފްތާއަކު 3 ރޭ ކުރިއަށް ގެންދާ މި ކުލާސްތައް ފަށާފައި ވަނީ މި މަހު 15 ވީ ހުކުރު ދުވަހުގެ ރޭ ގައެވެ. ރޭގަނޑު 8:30 އިން 10:30 އައްޑޫ ސްޓޭޑިއަމް ގައި ކުރިއަށް ގެންދާ މި ކަސްރަތު ޕުރޮގްރާމުގައި ކުލާސް ތައް ނަގައިދެނީ މި ދާއިރާއިން ގިނަ ތަމްރީނު ތަކެއް ހޯދައިފައިވާ ފާތިމަތު ލުހާ (ލުއްލު) އެވެ.
ފިޓް އިންފިނިޓް ކަސްރަތު ކުލާހާއި ގުޅޭ ގޮތުން ލުހާ ބުނީ އޭނާއަކީ ބައިވެރިންނާއި އަބަދުވެސް ރަހުމަތްތެރި ގާތް ގުޅުމެއް ބާއްވާ މީހެއްކަމަށާއި ރަނގަޅަށް ފަރުވާތެރި ކަމާއެކު ކުލާހަށް ހާޒިރުވާ ނަމަ ރަނގަޅު ނަތީޖާ އެއް ނެރެދެވޭނެ ކަމުގެ ފުރިހަމަ ޔަގީން ކަން އޮތްކަަމަށެވެ.
ފިޓް އިންފިނިޓް ގެ އެންމެ ހާއްސަ ކަމަކީ ސިއްހީ ހާލަތެއް މެދުވެރިވެދާނެ ކަމަށް އަބަދުވެސް ފުރަތަމަ އެހީ ދެވޭނެ އިންތިޒާމް ހަމަޖެހިފައި ވުމެވެ.
މި ކުލާހުގައި ބައިވެރިންނަށް ފުރަތަމަ 2 ހަފްތާ ގައި ހިލޭ އޮންނަ އިރު އޭގެ ފަހުން ބައިވެރިން އަތުން މަހު ފީއެއްގެ ގޮތުގައި 750ރ ނަގާނެކަމަށް ލުހާ ބުންޏެވެ.
މި ކުލާހުގައި ބައިވެރި ވުމަށް ބޭނުންވާ ފަރާތްތަކުން ލުހާގެ ނަމްބަރ 9146676 ގުޅާ ނަން ނޯޓް ކުރެވޭނެކަމަށް ލުހާ ބުންޏެވެ.