ނެދަލެންޑްސް އިން ރާއްޖެ ގެނައި ތިމް ޕާރުސަލަކުން ޕާޓީ ޑްރަގްސް އަތުލައިގެންފިއެވެ.
ކަސްޓަމްސްއިން ބުނީ މިމަހުގެ 10 އަދި 11 ދެ ދުވަހު ޕޯސްޓުގެ ޒަރީއާއިން ރާއްޖެ ގެނައި 3 ޕާރުސަލަކުން މަސްތުވާތަކެތި އަތުލައިގެންފައިވާ ކަމަށެވެ.
މި މަހު 10 ވަނަ ދުވަހު ޕޯސްޓް މެދުވެރިކޮށް ގެނައި ދެ ޕާރުސަލަކުން 575 ގުރާމްގެ ހެރޮއިން ކަސްޓަމްސް އިން ވަނީ އަތުލައިގެންފައެވެ. އަދި ޕާޓީ ޑްރަގްސްގެ ގޮތުގައި ބޭނުންކުރާ ދެ ބާވަތެއް ކަމަށްވާ އެލްއެސްޑީ (އެސިޑް)ގެ 10 ސްޓިކާ އާއި އެމްޑީއެމްއޭ (އެކްސްޓަސީ)ގެ 71 އަށްވުރެ ގިނަ ގުޅަ އަތުލައިގެންފައިވާ އިރު މި ގުޅަތަކުގެ ޖުމްލަ 43 ގުރާމް ހުރި ކަމަށެވެ.
މި މަސްތުވާތަކެތި މިހާރު އިތުރަށް ތަހުގީގު ކުރުމަށް ފުލުހުންނާ ވަނީ ހަވާލުކޮށްފައެވެ.