ސ. ފޭދޫ އިން ދެ ބިޔަރު ދަޅާއެކު މީހަކު ހައްޔަރުކޮށްފިއެވެ.
ފުލުހުން ބުނީ މިމަހުގެ 16 ވަނަ ދުވަހުގެ ރޭ ސ.ގަން ޕޮލިސް ސްޓޭޝަނުން ހިންގި އޮޕަރޭޝަނެއްގައި ހައްޔަރުކޮށްފައިވަނީ 24 އަހަރުގެ ދިވެހި ފިރިހެނެއްކަމަށެވެ.
އޭނާ ހައްޔަރުކުރީ ފުލުހުންނަށް ލިބުނު އިންޓަލިޖެންސް ރިޕޯޓަކާއި ގުޅިގެން ކުރިއަށް ގެންދިޔަ އޮޕަރޭޝަނެއް ގައި ފޭދޫ ބަނދަރު ސަރަޙައްދުން އޭނާ ބަލައި ފާސް ކުރުމުގެ ތެރޭގައެވެ.
މިމައްސަލައިގައި ހައްޔަރުކޮށްފައިވާ މީހާގެ ބަންދާއި މެދު ގޮތެއްނިންމުމަށް ފޭދޫ މެޖިސްޓްރޭޓް ކޯޓަށް ހާޒިރުކުރުމަށް މިނިސްޓްރީ އޮފް ހޯމް އެފެއާޒުން ކަނޑައަޅާތަނެއްގައި ބަންދުގައި ބެހެއްޓުމަށް ދެ ދުވަހުގެ މުއްދަތެއް ވަނީ ދީފައެވެ.