މާލެގައި ރޭ ވަޅިން ބިރު ދެއްކުމަށް ފަހު 560،000 (ފަސްލައްކަ ފަސްދޮޅަސް ހާސް ރުފިޔާ) ފޭރިގެންފިއެވެ.
ވަޅިން ބިރުދެއްކުމަށް ފަހު ދެސައިކަލެއްގައި ދިޔަ ތިން މީހަކު ވެގެން ފޭރިގެން ފައިވަނީ އެކްސްޕާޓް މޮޓޯސްގެ 560،000 އަށް ވުރެ ގިނަ ފައިސާ ކަމަށް ފުލުހުން ވަނީ ބުނެފައެވެ.
ފަތަހަ ސުންބުލި ފިހާރަ ކައިރިން ރޭ ފޭރިގެންފައިވާ ކަމުގެ މަޢުލޫމާތު ފުލުހުންނަށް ލިބުނީ ރޭގެ 22:30 ހާއިރު ކަމަށް ފުލުހުން ބުނެއެވެ.
މި މައްސަލަ މިހާރު ފުލުހުން އިތުރަށް ތަހުގީގު ކުރަމުން އަންނައިރު ފަހަކަށް އައިސް ބޮޑެތި ވައްކަންތަކާއި ފޭރުގެ މައްސަލަތައް އިތުރުވަމުން އަންނަކަން ފާހަގަކޮށްލެވެއެވެ.
މިފަދަ ކުށްތައް މަދުކުރުމަށް ރައީސް އިބްރާހިމް މުހައްމަދު ސޯލިހްގެ ވެރިކަމުގެ ފުރަތަމަ 100 ދުވަސް ތެރޭގައި ނެއިބަހުޑް ވޮޗްގެ ނަމުގައި މާލޭގެ އަވަށްތަކުގެ ފުލުހުންގެ މަސައްކަތްތައް ވަނީ އިތުރުކޮށްފައެވެ.